Stella Hauksdóttir (söngvaskáld)

Úr Heimaslóð, Sögusetri Vestmannaeyja
Fara í flakk Fara í leit
Guðný Stella Hauksdóttir.

Guðný Stella Hauksdóttir verkakona, söngvaskáld, verkalýðsbaráttukona fæddist 17. nóvember 1953 í Keflavík og lést 17. janúar 2015 í Eyjum.
Foreldrar hennar voru Haukur Guðmundsson sjómaður, verkstjóri, f. 25. október 1929, d. 3. september 1991, og kona hans Theódóra Óskarsdóttir húsfreyja, f. 12. október 1933, d. 29. júní 2014.

Börn Theódóru og Hauks:
1. Guðbjörg Ósk Hauksdóttir verkakona, öryrki, f. 11. október 1951 á Eskifirði, bjó síðast á Kirkjubæjarbraut 16, d. 2. júlí 2009.
2. Guðný Stella Hauksdóttir verkakona, söngvaskáld, verkalýðsbaráttukona, f. 17. nóvember 1953 í Keflavík, d. 17. janúar 2015.
3. Ólöf Hauksdóttir verkakona, f. 29. ágúst 1955 í Keflavík. Maður hennar Ægir Sigurjónsson. Þau búa á Hásteinsvegi 4.
4. Haukur Hauksson sjómaður, f. 8. febrúar 1960 í Keflavík. Kona hans Sigríður Högnadóttir. Þau búa í Helgafelli.
5. Arilíus Smári Hauksson, f. 8. september 1971 í Eyjum. Kona Ólöf Una Ólafsdóttir. Þau búa á Akranesi.

Stella var með foreldrum sínum í Keflavík 1953-1960, á Eskifirði 1960-1963, en þá aftur í Eyjum.
Hún var fiskiðnaðarkona, flutti til Reykjavíkur, nam í Fiskvinnsluskólanum og sneri til Eyja.
Stella var baráttukona fyrir réttindum verkafólks og gegndi meðal annars trúnaðarstörfum fyrir Verkakvennafélagið Snót í Vestmannaeyjum.
Hún var tónlistarkona og flutti baráttu sína í söngvum, gaf út söngva sína á tóndiskinum ,,Stella“.
Stella eignaðist barn með Jóni Ásgeiri 1971.
Hún bjó að Seljalandi 1972, á Hásteinsvegi 7 1979, en að síðustu á Áshamri 38a. Hún lést 2015.

I. Barnsfaðir Guðnýjar Stellu er Jón Ásgeir Kristjánsson, f. 25. september 1951. Foreldrar hans Kristján Annes Stefánsson, f. 27. mars 1930, d. 5. október 2018, og Eyþóra Elíasdóttir, f. 7. maí 1930, d. 19. júlí 2017.
Barn þeirra:
1. Guðmundur Haukur Jónsson í Eyjum, f. 24. nóvember 1971. Barnsmóðir hans Gerður Ólína Steinþórsdóttir.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.