Sæmundur Sæmundsson (Oddhól)

From Heimaslóð
Jump to: navigation, search

Sæmundur Sigurbjörn Sæmundsson frá Oddhól, bifvélavirki, bæjarstarfsmaður á Selfossi fæddist 11. júní 1943 í Oddhól.
Foreldrar hans voru Sæmundur Jónsson verkamaður, f. 27. apríl 1902, d. 12. október 1943, og kona hans Sigurbjörg Magnúsdóttir frá Dyrhólum í Mýrdal, húsfreyja, f. 30. ágúst 1905, d. 25. júní 1996.

Systir Sæmundar er
1. Magnúsína Sigríður Sæmundsdóttir húsfreyja, verslunarmaður, talsímakona, nú á Hvammstanga, f. 5. ágúst 1934 á Miðhúsum, d. 4. júní 2019.

Sæmundur var nokkurra mánað gamall, er faðir hans lést.
Hann var með móður sinni í æsku, lærði bifvélavirkjun hjá Hreggvið Jónssyni, fékk sveinsréttindi 1963. Hann vann hjá Hreggviði og um skeið hjá sonum hans í Reykjavík.
Hann sneri til Eyja og vann hjá Áhaldahúsinu fram að Gosi.
Þau Fríður giftu sig 1966, eignuðust eitt barn. Þau bjuggu á Búastaðabraut 3 fram að Gosi.
Þau fluttust á Selfoss.
Fríður veiktist og lést á Reykjalundi 1974.
Sæmundur vann hjá Vörðufelli við jarðvinnu með þungavinnuvélum til 1982. Þá varð hann bifreiðastjóri hjá Sorphirðunni á Selfossi og var þar í fjögur ár.
Sæmundur vann síðan hjá Áhaldahúsi Selfossbæjar um skeið og þá hjá Vatnsveitu Selfoss til starfsloka.

Sæmundur er tvíkvæntur.
I. Fyrri kona hans, (12. mars 1966), var Fríður Alfreðsdóttir húsfreyja, f. 16. ágúst 1942, d. 1. maí 1974.
Barn þeirra:
1. Haraldur Sæmundsson rafeindafræðingur, tölvunarfræðingur, f. 13. september 1966.

II. Síðari kona Sæmundar, (13. maí 1978), er Anna Margrét Sigurðardóttir, f. 10. júlí 1957. Foreldrar hennar eru Sigurður Jónsson frá Hrepphólum í Hrunamannahreppi, verktaki, skógarbóndi í Ásgerði í Hrunamannahreppi, f. 28. október 1934, og kona hans Guðrún Guðmundsdóttir húsfreyja, matráðskona, f. 29. júlí 1935.
Börn þeirra eru:
2. Guðrún María Sæmundsdóttir húsfreyja, kennari á Selfossi, f. 4. september 1976. Sambýlismaður hennar er Sigurður Geir Einarsson.
3. Fríður Sæmundsdóttir húsfreyja, kennari á Flúðum í Hrunamannahreppi, f. 27. febrúar 1980. Maður hennar er Kristinn Eiríksson.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.