Ritverk Árna Árnasonar/Jakob Tranberg (Jakobshúsi)

Úr Heimaslóð, Sögusetri Vestmannaeyja
Stökkva á: flakk, leita

Kynning.

Jakob Sandersen Larsson Tranberg sjómaður í Jakobshúsi fæddist 7. ágúst 1860 í London í Eyjum og lést 21. maí 1945.
Faðir hans var Lars Tranberg tómthúsmaður, formaður og hafnsögumaður í Larshúsi, f. um 1805 í Gudhjem á Borgundarhólmi, látinn 30. ágúst 1860 í Eyjum. Hann nefndi Larshús síðan London, sem það heitir enn.
Móðir Jakobs og síðari kona Lars skipstjóra var Gunnhildur Oddsdóttir húsfreyja í London, f. 9. október 1824, á lífi 1882.

Jakob var eins árs barn í London 1860. Þar bjó Gunnhildur Oddsdóttir með 4 Larsbörn. Hann var 10 ára niðursetningur í Kastala hjá ekkjunni Arndísi Jónsdóttur 1870.
Við manntal 1880 var hann 20 ára vinnumaður í Þorlaugargerði.
1890 var hann húsbóndi í Godthaabsfjósi með Valgerði bústýru og barni þeirra Guðrúnu á fyrsta ári.
Við manntal 1901 var hann húsbóndi í Jakobshúsi með Valgerði og þrem börnum þeirra, Ágústi 8 ára, Guðrúnu 11 ára og Valdimar Tranberg eins árs.
Við manntal 1910 var hann í Jakobshúsi með Guðbjörgu, síðari konu sinni, og tveim börnum þeirra og barni Guðbjargar, Sigríði Benóníu Sigurðardóttur.
1920 bjó hann einn í Jakobshúsi.

ctr

Drengirnir tveir til vinstri eru brœðurnir Sigfús og Guðni Johnsen, þá kemur Jakob Tranberg, (Kobbi í Görn) og loks Gísli J. Johnsen. Báturinn til vinstri er Gideon. Á bakvið má sjá Nausthamar. Myndin er tekin um aldamótin 1900.


Jakob átti tvær konur:
I. Fyrri kona, (3. nóvember 1892), Jakobs var Valgerður Sigurðardóttir frá Brekkuhúsi, f. 10. nóvember 1862 á Bryggjum í A-Landeyjum, d. 21. nóvember 1906. Við manntal 1901 voru þau gift, búsett í Jakobshúsi.
Börn Jakobs og Valgerðar hér:
1. Sæmundur Tranberg Jakobsson, f. 16. desember 1885, d. 22. mars 1888.
2. Guðrún Tranberg Jakobsdóttir, f. 17. mars 1890, d. 6. febrúar 1975, hjú hjá Sigurði í Nýborg 1910, síðast búsett í Reykjavík.
3. Ágúst Jakobsson Tranberg, f. 16. ágúst 1892, d. 21. október 1981. Hann fór til Vesturheims 1911 frá Lundi.
4. Sigurður Tranberg Jakobsson, f. 20. febrúar 1899, d. 28. febrúar 1899.
5. Valdimar Tranberg Jakobsson, f. 25. október 1900, d. 9. apríl 1968.

II. Síðari kona Jakobs, (31. desember 1909, skildu), var Guðbjörg Guðlaugsdóttir, f. 30. ágúst 1874 á Sperðli í Sigluvíkursókn í Rang., d. 17. febrúar 1965. Hún kom til Eyja frá Varmahlíð 1902.
Árið 1920 bjó hún með börnum sínum í Sjávargötu.
Börn þeirra þá skráð:
6. Magnúsína Tranberg Jakobsdóttir húsfreyja á Akranesi, f. 29. október 1910, d. 2. júní 1989.
7. Gísli Jakobsson bakari í Reykjavík, f. 22. desember 1913, d. 26. desember 1993.
8. Lars Tranberg Jakobsson, símvirki í Reykjavík, stöðvarstjóri á Rjúpnahæð 1947-1985, f. 31. maí 1916, d. 26. desember 2002. Hann var um skeið í fóstri hjá Snjáfríði Hildibrandsdóttur og Birni Guðmundssyni á Eystri-Vesturhúsum, fósturforeldrum Alfreðs Washington Þórðarsonar tónlistarmanns.
9. Barn Guðbjargar, - hjá henni 1910: Sigríður Benónía Sigurðardóttir, f. 16. nóvember 1906, síðast í Reykjavík, d. 13. september 1988. Faðir hennar var Sigurður Sigurðsson bóndi á Lambhúshóli u. Eyjafjöllum, f. 24. júní 1863, d. 12. mars 1906.
Guðbjörg átti annað barn frá sambýli sínu með Sigurði. Það var Sæunn Guðbjörg Sigurðardóttir, f. 18. september 1904, d. 19. desember 1926. Hún var í fóstri hjá Guðríði Bjarnadóttur húsfreyju í Sjólyst 1910 og 1920.

Jakobs er getið í bjargveiðimannatali Árna Árnasonar, en án sérstakrar umsagnar.


Úr fórum Árna Árnasonar, efnisyfirlit


Heimildir

  • Samantekt: Víglundur Þór Þorsteinsson.
  • Garður.is.
  • Holtamannabók I–Holtahreppur. Valgeir Sigurðsson og fleiri. Ritstjórn: Ragnar Böðvarsson. Rangárþing ytra, Hellu 2006.
  • Íslendingabók.is.
  • Landeyingabók–A-Landeyjar. Valgeir Sigurðsson og fleiri. Ritstjóri: Ragnar Böðvarsson. Austur–Landeyjahreppur, Gunnarshólma 1999.
  • Manntöl.
  • Rangvellingabók. Valgeir Sigurðsson. Rangárvallahreppur, Hellu 1982.
  • Saga Vestmannaeyja. Sigfús M. Johnsen. Ísafoldarprentsmiðja H.F. 1946.


Þessi grein tilheyrir Æviskrám Eyjafólks eftir Víglund Þór Þorsteinsson.