Ritverk Árna Árnasonar/Jóhannes Jónsson (Helgahjalli)

Úr Heimaslóð, Sögusetri Vestmannaeyja
Stökkva á: flakk, leita

Kynning.

Jóhannes Jónsson í Stakkagerði, síðar í Helgahjalli, fæddist 14. maí 1866 í Presthúsum í Mýrdal og lést í Castle Gate í Utah 15. febrúar 1896.
Foreldrar hans voru Jón Ögmundsson í Stakkagerði, áður bóndi í Presthúsum í Mýrdal, f. 8. júlí 1840, og kona hans Rannveig Björnsdóttir húsfreyja í Presthúsum 1870, f. 1829, d. 7. mars 1876.

Jóhannes fór til Bandaríkjanna með fjölskyldu sína árið 1892 frá Helgahjalli. Líklega var hann námuverkamaður í Castle Gate.
Hann lést 1895 úr tæringu.

Kona Jóhannesar, (um 1890), var María Friðrika Guðmundsdóttir, f. 3. mars 1868.
Börn Jóhannesar og Maríu:
1. Guðjón, f. 14. mars 1888, d. 21. mars sama ár.
2. Ólafía, f. 7. júlí 1890.
3. Sonur, f. í Vesturheimi.

María Friðrika varð síðari kona Björns frá Ljótarstöðum í Landeyjum Magnússonar. Þau voru bændur í Blaine í Washingtonfylki.

Úr fórum Árna Árnasonar símritara:
Bjargveiðimannatal.

Jóhannes hafði verið duglegur fugla- og fjallamaður, góður félagi og vel hlutgengur til allra verka. Hann fór í Álsey fyrir Árna bónda í Stakkagerði og er trúlegt, að Árni hafi kunnað vel vali veiðimanna sinna og hvatt þá að duga sem best. Má því fullvíst telja, að Jóhannes hafi verið slyngur bjargveiðimaður, enda við veiðar á besta aldri, rösklega tvítugur. Jón Jónsson í Brautarholti var samtíða honum í Álsey og sagði hann góðan veiðimann, styrkan vel og þolinn.


Úr fórum Árna Árnasonar, efnisyfirlit


Heimildir

  • Samantekt: Víglundur Þór Þorsteinsson.
  • Eyjar og úteyjalíf – Úrval verka Árna Árnasonar símritara frá Grund. Sögufélag Vestmannaeyja í samstarfi við Safnahús Vestmannaeyja 2012.
  • Heimaslóð.
  • Íslendingabók.is.
  • Manntöl.
  • Saga Íslendinga í Vesturheimi I-V. Þorsteinn Þ. Þorsteinsson, Tryggvi J. Oleson. Winnipeg: Þjóðræknisfélag Íslendinga í Vesturheimi: Menningarsjóður 1940-1953.
  • The Icelanders in Utah. La Nora Allsted.
  • Vestur-Skaftfellingar 1703-1966. Björn Magnússon. Leiftur 1970-1973.


Þessi grein tilheyrir Æviskrám Eyjafólks eftir Víglund Þór Þorsteinsson.