Ragnar Ólafsson (Hásteinsvegi 58)

Úr Heimaslóð, Sögusetri Vestmannaeyja
Fara í flakk Fara í leit
Ragnar Ólafsson.

Ragnar Ólafsson starfsmaður Norðuráls fæddist 26. nóvember 1963 í Eyjum og lést af slysförum 1. mars 2009.
Foreldrar hans voru Ólafur Kristján Vilhjálmsson frá Ásbrún, rafvirki, f. 18. mars 1928, d. 4. mars 2009, og kona hans Millý Birna Haraldsdóttir frá Reykjavík, húsfreyja, verslunarmaður, verkakona, f. 4. mars 1933, d. 5. nóvember 2009.

Börn Millýjar Birnu og Ólafs:
1. Ragnar Ólafsson starfsmaður Norðuráls, f. 26. nóvember 1963, d. 1. mars 2009.
2. Líney Ólafsdóttir húsfreyja, aðstoðarleikskólastjóri í Mosfellsbæ, f. 28. júlí 1965.

Ragnar var með foreldrum sínum í æsku.
Hann lauk stúdentsprófi í Menntaskólanum við Sund 1983 og stundaði um skeið nám í lögfræði við Háskóla Íslands.
Hann stundaði ýmis störf, en var að síðustu starfsmaður Norðuráls á Grundartanga.

I. Unnusta Ragnars er Valey Björk Guðjónsdóttir, f. 17. janúar 1963. Foreldrar hennar Guðjón Jóhannes Hafliðason, f. 21. ágúst 1938 og Una Jónmundsdóttir, f. 22. júní 1933, d. 29. ágúst 2013.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.