Kristín Sigríður Þorsteinsdóttir

Úr Heimaslóð, Sögusetri Vestmannaeyja
Stökkva á: flakk, leita

Kristín Sigríður Þorsteinsdóttir frá Háagarði, síðar að Goðasteini, en síðast að Kirkjubæjarbraut 17, - nú búsett í Reykjavík, - húsfreyja, bankastarfsmaður, fæddist að Þingeyri við Skólaveg 27. maí 1930.
Foreldrar hennar voru Þorsteinn Þ. Víglundsson, f. 1899 og k.h. Ingigerður Jóhannsdóttir, f. 1902.

Kristín gekk í Gagnfræðaskólann, var afgreiðslukona í Bjarma, sem þá vefnaðarvöruverzlun Helga Benediktssonar og var síðar talsímakona við Símstöðina í Vestmannaeyjum. Hún gekk í Húsmæðraskólann í Rvk 1950-51, rak stórt heimili í Eyjum og Reykjavík, vann hjá Sparisjóði Vestmannaeyja í Seðlabankanum í Landsbankahúsinu gostímann 1973-74, starfsmaður Landsbankans 1974-99.

Maki (26. júlí 1952): Sigfús Jörundur Árnason Johnsen kennari, f. 1930, d. 2. nóv. 2006.

Börn þeirra:
1. Þorsteinn Ingi Sigfússon dr. í eðlisfræði, prófessor, forstjóri Nýsköpunarmiðstöðvar Íslands, f. 1954.
2. Árni Sigfússon B.Ed. í kennslufræðum, Master of Puplic Administration (MPA). Bæjarstjóri í Reykjanesbæ, f. 1956.
3. Gylfi Sigfússon viðskiptafræðingur, forstjóri Eimskipafélags Íslands, f. 1961.
4. Margrét Sigfúsdóttir innanhússarkitekt, f. 1963.
5. Þór Sigfússon þjóðhagfræðingur, framkvæmdastjóri Sjávarklasans ehf., f. 1964.
6. Sif Sigfúsdóttir mannauðsfræðingur, markaðs-og samskiptastjóri við Félagsvísindadeild Háskóla Íslands, f. 1967.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.