Kjartan Gíslason (fisksali)

Úr Heimaslóð, Sögusetri Vestmannaeyja
Fara í flakk Fara í leit

Kjartan Runólfur Gíslason frá Suður-Nýjabæ í Þykkvabæ í Djúpárhreppi, Rang., vélstjóri, fisksali fæddist þar 21. júlí 1916 og lést 1. apríl 1995.
Foreldrar hans voru Gísli Gestsson bóndi, f. 8. september 1878 í Suður-Nýjabæ, d. 9. apríl 1979 í Reykjavík, og kona hans Guðrún Magnúsdóttir húsfreyja, f. 25. júní 1886 í Snotru í Djúpárhreppi, d. 17. janúar 1979 í Reykjavík.

Tvíburabróðir Guðrúnar húsfreyju var
1. Gísli Magnússon í Skálholti við Urðaveg, skipstjóri, útgerðarmaður, f. 25. júní 1886, d. 2. maí 1962.
Börn Guðrúnar og Gísla Gestssonar í Eyjum:
2. Guðjón Gíslason verkamaður, sjómaður, f. 13. ágúst 1912, d. 25. október 1991.
3. Kjartan Runólfur Gíslason fisksali, f. 21. júlí 1916, d. 1. apríl 1995.
Hálfbróðir þeirra, af sama föður, var
4. Guðmundur Kristinn Gíslason á Herjólfsgötu 7, verkamaður, bræðslumaður, f. 2. júlí 1898, d. 20. maí 1977.

Kjartan var með foreldrum sínum til fullorðinsára, en sótti sjó til Suðurnesja fram undir tvítugt og síðan til Eyja.
Þau Þórleif voru bændur með foreldrum Kjartans í Suður-Nýjabæ 1939-1945. Þau eignuðust tvö börn á því skeiði og giftu sig 1943.
Þau settust að í Eyjum 1945, eignuðust þar sex börn. Þau bjuggu í Brautarholti í fyrstu, á Brekastíg 37 og síðan í Birkihlíð 20 fram að Gosi 1973.
Kjartan fékk vélstjórnarréttindi í Eyjum og stundaði sjómennsku, var m.a. vélstjóri á v.b. Gísla J. Johnsen í Stokkseyrarsiglingum.
Kjartan keypti fiskbúðina við Bárustíg 1956 og rak hana til Goss, en þá fluttist fjölskyldan á Selfoss, þar sem Kjartan rak fiskbúð Kaupfélagsins til ársins 1990.
Þau Þórleif bjuggu síðast á Sunnuvegi 11 á Selfossi.
Kjartan lést 1995. Þórleif 2013.

I. Kona Kjartans Runólfs, (31. október 1943), var Þórleif Guðjónsdóttir frá Fagurhól, húsfreyja, f. 30. janúar 1923, d. 24. júní 2013.
Börn þeirra:
1. Guðrún Kjartansdóttir húsfreyja, f. 6. desember 1941 í Reykjavík, d. 8. september 1993. Maður hennar var Ársæll Ársælsson, látinn
2. Sigurbjartur Kjartansson rafvélavirki, f. 22. apríl 1945 í Reykjavík. Kona hans Arndís Gísladóttir.
3. Eygló Kjartansdóttir húsfreyja, f. 23. júní 1946 í Brautarholti. Barnsfaðir hennar Jón Sighvatsson. Barnsfaðir hennar Páll Pálmason. Fyrrum maður hennar Þorsteinn Ólafur Markússon.
4. Laufey Jóna Kjartansdóttir húsfreyja, f. 13. mars 1948 á Brekastíg 37. Maður hennar Ingvi Rafn Sigurðsson.
5. Ásta Kjartansdóttir, f. 19. febrúar 1950 á Brekastíg 37. Maður hennar Haukur Sigurðsson, látinn.
6. Erla Kjartansdóttir húsfreyja, f. 11. september 1957 á Brekastíg 37. Maður hennar Óskar Guðvin Björnsson.
7. Sigurborg Kjartansdóttir húsfreyja, f. 10. maí 1962 á Sj.húsinu. Maður hennar Pétur Hafsteinn Birgisson.
8. Guðjón Kjartansson, f. 27. ágúst 1964. Kona hans Brynhildur Jónsdóttir.


Heimildir

  • Samantekt: Víglundur Þór Þorsteinsson.
  • Holtamannabók III – Djúpárhreppur. Valgeir Sigurðsson og fleiri. Ritstjórn: Ragnar Böðvarsson. Rangárþing ytra 2010.
  • Íslendingabók.is.
  • Manntöl.
  • Morgunblaðið 11. apríl 1995. Minning.
  • Prestþjónustubækur.


Þessi grein tilheyrir Æviskrám Eyjafólks eftir Víglund Þór Þorsteinsson.