„Blik 1976/Frænda- og vinafólk í Eyjum“: Munur á milli breytinga

Jóhann Jörgen Johnsen var fyrirmálsbarn frú [[Guðfinna Jónsdóttir Austmanns|  Guðfinnu Jónsdóttur Austmanns]], heimasætu að Ofanleiti. Hún giftist síðar [[Árni Einarsson |Árna Einarssyni]] frá Vilborgarstöðum. Mynd af þessum nafnkunnu og mætu hjónum er birt í Bliki árið 1967, bls. 11.<br>

Árni Einarsson var bóndi, meðhjálpari í [[Landakirkja|Landakirkju]] um langt árabil og alþingismaður Eyjabúa um skeið. Sonur þeirra hjóna var [[Sigfús  Árnason]], organisti [[Landakirkja|Landakirkju]], söngstjóri hins elzta karlakórs í Eyjum, póstmeistari frá 1896-1904, útgerðarmaður og formaður á stærsta teinæring í verstöðinni, tíæringnum [[Auróra|Auróru]]. Þeir voru þannig hálfbræður [[Jóhann Jörgen Johnsen|Jóhann Jörgen Johnsen]] í Frydendal og [[Sigfús Árnason|Sigfús Árnason]] frá Vestri-Löndum. Móðir þeirra var sem sé frú Guðfinna Jónsdóttir prests Austmanns að [[Ofanleiti]], húsfreyja á [[Vilborgarstaðir|Vilborgarstöðum]].<br>

Sigfús Árnason var kvæntur frú [[Jónína K. N. Brynjólfsdóttir|Jónínu K. N. Brynjólfsdóttur]] prests Jónssonar að Ofanleiti. (Sjá greinina Frumherjar í Bliki árið 1967).<br>  

Myndin á bls. 207 er af börnum þessara bræðra, Jóhanns og Sigfúsar. ásamt tveim öðrum nátengdum.<br>

::[[Guðni Hjörtur Johnsen]] frá Frydendal, síðar útgerðarm. og kaupm..

::f. 15. júní 1888.  

::Lárus (Kristinn Lárus) Johnsen frá Frydendal, síðar verzlunarm.  

::og hollenzkur vísikonsúll, f. 31. des. 1884.  

::[[Leifur Sigfússon]], síðar tannlæknir og franskur vísikonsúll,  

::f. 4. nóv. 1892.

::[[Brynjúlfur Sigfússon]], síðar kaupm.. organisti og söngstjóri,  

::f. 1. marz 1885.

::[[Árni Sigfússon]], síðar kaupm. og útgerðarm., f. 31. júlí 1887.  

::[[Gísli J. Johnsen]], síðar kaupm., enskur konsúll og útgerðarm.,  

::f. 10.marz 1881.

::Ásdís (Anna Ásdís) Gísladóttir frá Hlíðarhúsi, kona Gísla J. Johnsen.

::Þau giftust árið 1904.<br>

Drengurinn, sem stendur hjá frúnni, er Jóhann Jörgen Sigurðsson hálfbróðir þeirra bræðra, sona Jóhanns Jörgen Johnsen, veitingamanns í Frydendal. Þennan dreng átti frú Anna Sigríður Árnadóttir Johnsen í Frydendal með Sigurði Sigurðssyni frá Kúfhól í Landeyjum, kunnum útgerðarmanni og vélbátaformanni í Eyjum. Hann drukknaði 10. jan. 1912 í Vestmannaeyjahöfn. Frú Sigriður Árnadóttir (Johnsen) í Frydendal missti mann sinn 1893. Nokkrum árum síðar réðst Sigurður Sigurðsson vinnumaður að Frydendal. Þau voru heitbundin og brúðkaup þeirra var lengi á döfinni. Af því varð þó ekki, enda þótt Sigurður dveldist í Frydendal hjá konuefninu sínu á annan áratug eða þar til dauðinn skildi þau að.<br>

Jóhann sonur þeirra fæddist 2. ágúst 1899. Vestur í Ameríku lærði hann listmálun og þótti efnilegur í þeirri grein. Byggðarsafn Vestmannaeyja á nokkrar tússmyndir eftir hann.<br>

Að baki frú Ásdísi og á vinstri hönd hennar er Sigfús M. Johnsen frá Frydendal, síðar hæstaréttarritari og svo bæjarfógeti í Eyjum, f. 28. marz 1886.<br>

Ragnheiður Sigfúsdóttir frá Vestri-Löndum, síðar kunn yfirhjúkrunarkona við stjórnarsjúkrahúsið í Otten í Norður-Carólínaríki í Ameríku.<br>

Árni J. Johnsen, síðar bóndi og kaupmaður í Eyjum, f. 13. okt. 1892.

Mynd þessi mun tekin árið 1909. Lárus Gíslason frá Hlíðarhúsi, bróðir frú Ásdísar Johnsen, tók myndina.