„Blik 1980/Danskir brautryðjendur í Vestmannaeyjum“: Munur á milli breytinga

Og árin liðu í [[Frydendal]] i velgengni og glaðværð. „Skipper“ Morten Ericsen sótti sjóinn á skútunni sinni og aflaði vel. Lifrina seldi hann ávallt kaupmanninum í Godthaabsverzlun.<br>

Árið 1838 ól frúin manni sínum son, sem þau létu heita [[Morten Frederik Ericsen]]. Um það bil tveim árum áður en frúin giftist Ericsen, hafði Fröken Ane Johanne eignazt dóttur með landa sínum úti í henni Danmörku.<br>

Í maímánuði 1847 sigldi „Skipper“ Ericsen skútu sinni á hin fengsælu hákarlamið Vestmannaeyinga, líklega á austurmiðin. Ofviðri skall á. Skútan og skipshöfnin hurfu að fullu og öllu. Mad. Ane Johanne Ericsen var orðin ekkja. Drengurinn litli hann Morten Frederik, hafði misst föður sinn og Johanne Caroline Rasmusen góðan stjúpföður.<br>

Ekkjan Mad. Ericsen afréð fljótlega að flytja ekki burt úr kauptúninu á Heimaey, þar sem hún hafði fest yndi á undanförnum 10 árum, þrátt fyrir þetta andstreymi, þessa mæðu og sorg. Hún hugði brátt til atvinnurekstrar í Frydendal. Á uppvaxtarárum sínum í Danmörku hafði hún unnið í veitingahúsi og var þess vegna ekki ókunnug rekstri þeirra eins og þau gerðust þar ytra. Það var einnig sameiginlegt álit ýmissa danskra broddborgara í Eyjum, að verkefni myndi nægilegt handa smáveitingastað í kauptúninu, ekki sízt á vertíðum, þegar margir aðkomumenn, t.d. „landmenn“, komu til Eyja úr byggðum Suðurlandsins og lágu þar við á vertíðum, og stunduðu sjósókn fram á vorið ár hvert. Margir þeirra bjuggu þar í lélegum húsakynnum við slæma aðbúð og myndu gjarnan eyða tíma sínum í landlegum á veitingastað við glaðværð, gáska og góðar veitingar, vinahót og vímugjafa. Auðvitað varð nokkur vínsala að vera þar með í leiknum.<br>

Árið eftir að Ericsen „skipper“ fórst eða 1848, fékk Mad. Ericsen veitingamann ráðinn frá Danmörku. Það var Daninn [[Carl Wilhelm Roed]] „Höndlunarþjónn“, eins og sóknarprestinum þóknaðist að titla hann í kirkjubókinni. Hann reyndist myndarmaður í störfum sínum, glaðvær og heiðarlegur. Hann var laginn veitingaþjónn og afkastamikill beykir, þegar því var að skipta. Þess vegna gat hann fengið að grípa í beykisstörf hjá dönsku verzlununum í kauptúninu, þegar hann brast verkefni við veitingarnar hjá frúnni í Frydendal.<br>

Svo leið tíminn í „fagnaðardalnum“ Frydendal. - Ekki verður því neitað, að hlýjar kenndir tóku fyrr en varði að láta á sér kræla milli frúarinnar og veitingaþjónsins.<br>

Landbrot húsfreyjunnar dönsku í Frydendal vöktu þegar athygli bændastéttarinnar í byggðarlaginu og reyndar fólksins alls, og kærumálin dundu yfir. Sýslumaður tók við þessum kærum og stakk þeim undir stól. Hann brosti góðlátlega og gaf fjandanum sitt. Fólkið skildi ekki sinn vitjunartíma í þessum efnum, hugsaði danski sýslumaðurinn, þó að það byggi við sult og seyru árlega og ætti þó frjómilda jörð til nota og nytja. Og húsfreyjan danska í Frydendal fékk dágóða kartöfluuppskeru haustið 1851. En fyrir þetta framtak sitt hafði hún orðið að þola skútyrði fólks og brigzlyrði, skammir og skæting.<br>

Árið 1853 gerðist danskur maður að nafni [[Andreas August von Kohl]] sýslumaður í Vestmannaeyjum. Hann var liðsforingi úr danska hernum. Kapten Kohl, eins og hann var jafnan nefndur í daglegu tali Eyjamanna, reyndist alveg einstakur maður að viti og vilja. Honum ofbauð ómenningin og ræfildómurinn, sem þá lá í landi í Vestmannaeyjum með ungum sem gömlum. Hvað var til ráða? Hér giltu engin vettlingatök.<br>

skilyrði þess að fá að vera þátttakandi í Herfylkingunni. Þannig hafði þessi starfsemi menningarlegt gildi. Og áhrif þessa starfs hins danska sýslumanns til bættra mannasiða og menningar í byggðarlaginu og mennilegs framtaks lét ekki á sér standa.<br>

Kapten Kohl ásetti sér m.a. að láta félagsfólk Herfylkingarinnar styðja í orði og verki garðyrkjuhugsjónir frúarinnar í Frydendal og sambýlismanns hennar. Margir fóru þá brátt að þeirra dæmi, svo að kartöflurækt Eyjamanna tók brátt allmiklum vexti. Ekki dró það úr áhuga og velvild þessa danska sýslumanns til garðyrkjuhugsjónar frúarinnar í Frydendal, að elskhugi hennar, C. W. Roed, var trumbuslagari Herfylkingarinnar og reyndist snillingur í því starfi.<br>

Vorið 1864 fengu þau konunglegt leyfi til að ganga í heilagt hjónaband án þess að láta lýsa með sér í kirkju, eins og þó var þjóðleg venja á þeim tímum. Brúðkaupið skyldi síðan eiga sér stað um næstu áramót. En áður dundu ósköpin yfir þessi hjónaefni. Hinn 27. desember 1864 lézt einkadóttir þeirra Marie Frederika, þá á 14. aldursári. Eftir þennan sára missi frestuðu þau athöfninni.<br>

Svo liðu árin í Frydendal við mikilvæg störf. Þar ráku þau veitingahús hverja vertíð. Sú þjónusta var ekki sízt hagkvæm aðkomnum sjómönnum, t.d. „Landmönnum“, eins og þeir voru kallaðir, viðlegumennirnir úr sveitum Suðurlandsins, sem stunduðu sjóínn og öfluðu fisks á opnu skipunum sínum 2-3 mánuði vetrarins barna í Eyjum oft við bága viðlegu.<br>

Þegar vora tók, hófust ræktunarannirnar úti við. Garðlöndin voru pæld á frumlegan hátt, þó með járnreku, og sett niður í þau kartöflur eða sáð gulrófna- og næpnafræi. Fátt var ræktað þar af öðrum matjurtum.<br>

Árið 1866 gifti séra [[Brynjólfur Jónsson]], sóknarprestur að [[Ofanleiti]], þau frú Ane Johanne og veitingamann hennar Carl Wilhelm Roed. Eftir það hét þessi mæta frú í byggðarlaginu ávallt Maddama Roed. Ekki er mér kunnugt um, að þau ættu fleiri börn en hana Mariu litlu Frederiku.<br>

Mad. Roed lézt 23. nóvember 1878, bá 68 ára að aldri. Banamein hennar var „innvortisveiki“, eins og segir í gildum heimildum.<br>

C. W. Roed lifði 18 ár eftir fráfall konu sinnar. Síðustu æviárin var hann óstarfhæfur og veikburða. Þá fékk hann inni í sveitarhúsinu [[Gata|Götu]], eins og aðrir þurfalingar

Vestmannaeyjahrepps. Það „Þurfalingahús“ hreppsins stóð við Kirkjuveginn (nálega nr. 12)<br>

Carl W. Roed, veitingaþjónn, beykir og brautryðjandi í kartöflurækt Eyjamanna, lézt 29. desember 1896 og þá 74 ára að aldri. Hann var fæddur í Danmörku árið 1822.<br>

„Nú reikar Roed með sinn vonarvöl hér daglega um göturnar sem þurfamaður, öllum ástvinum horfinn, lotinn af elli og beygður af margvíslegu andstreymi lífsins. En það er þessi fallegi, síglaði, gamli maður með úlfhvítt höfuð af hærum, sem Vestmannaeyingar eiga mikið að þakka hvað garðræktina snertir.<br>

Meðan Roed var hér húsráðandi með konu sinni, var hús þeirra hjóna sannkölluð hjálparhella allra sjóhraktra manna, er hingað komu eða hjúkrunar þurftu með. Hjá þeim var bæði hjúkrunar- og veitingahús, en ekki eingöngu brennivínskompa eða hælislaus bjórhöll.“<br>