„Stafkirkjan“: Munur á milli breytinga

[[Mynd:stafkirk1a.jpg|thumb|300px| Stafkirkjan í Vestmannaeyjum]]

Fyrsta kirkjan í Vestmannaeyjum var byggð rétt fyrir kristnitöku árið 1000 af sendimönnum Ólafs Tryggvasonar Noregskonungs, sem einnig höfðu það hlutverk að kristna Íslendinga. Kirkjan, sem kölluð var [[Klemensarkirkja]], var byggð úr stafverki sem var algengt byggingarlag á miðöldum. Álitið er að kirkjan hafi staðið í um þrjár aldir á upprunalegu kirkjustæði. Margar kenningar eru uppi um staðsetningu kirkjunnar en engar leifar hennar hafa fundist, þar sem ágangur sjávar hefur verið mikill og allar leifar löngu horfnar.  

= Endalok Stafkirkjunnar =

Sagan segir að á 13. öld voru kirkjur í Eyjum orðnar þrjár og prestum var ofviða að halda þeim öllum uppi. Á sama tíma átti sér stað mikil gróðureyðing á þessum slóðum og það ásamt sjávarrofi er talið hafa gengið mjög nærri Klemensarkirkjunni. Telja má víst að búið hafi verið að flytja kirkjuna 1269 og er jafnvel hugsanlegt að hún hafi verið flutt oftar en einu sinni. Einhvern tíma eftir það lagðist hún af eftir að hafa staðið í tæplega þrjár aldir.

== Hlutverk Stafkirkjunnar í dag ==

Messað er í Stafkirkjunni nokkrum sinnum um árið. Kirkjan er notuð oft við sérstakar athafnir eins og brúðkaup. Þar eru m.a. haldnar messur í sambandi við [[Heimaeyjargosið|eldgos]] á Heimaey, til þess að minnast upphafs og loka gossins.

[[Flokkur:Kirkjur]]