„Sjómannadagsblað Vestmannaeyja 1985/ Sjómannadagurinn 1984“: Munur á milli breytinga

<big><big><center>'''Sjómannadagurinn 1984'''</center></big></big><br>

Sjómannadagurinn 1984 var haldinn hátíðlegur dagana 2. og 3. júní. Hátíðarhöldin á laugardag 2. júní hófust kl. 13:45 með sprangi sem eyjapeyjar sýndu í Fiskhellanefi. Við Friðarhöfn byrjaði hátíðin með hefðbundnu sniði, kappróðri, koddaslag, stakkasundi, tunnuhlaupi, reiptogi og ýmislegu fleira til skemmtunar.<br>

Veður til hátíðarhalda var ekki eins og best verður á kosið. Þó fylgdist fjöldi fólks með.<br>

Dansleikir laugardagsins voru mjög vel sóttir eins og ávallt á sjómannadegi. Í Samkomuhúsinu lék Geimsteinn ásamt Rúnari Júlíussyni og Þóri Baldurssyni, í Alþýðuhúsinu var Hljómsveit Stefáns P. ásamt Ólafi Bakkmann. Sömu miðar giltu að báðum húsunum og er það góður siður á sjómannadegi.<br>

Sunnudagurinn 3. júní. Hátíðarhöldin hófust kl. 13 við minnisvarðann á Stakkagerðistúni og er það nýbreytni sem gafst mjög vel. Hátíðina setti Gylfi Harðarson sjómaður. Síðan var skrúðganga að Landakirkju með lúðrasveit í fararbroddi. Sjómannadagsráð úthlutaði 500 íslenskum fánum meðal gesta og setti það mjög skemmtilegan svip á skrúðgönguna er var óvenjufjölmenn, og verður svo vonandi áfram.<br>

Í Landakirkju messaði séra Kjartan Örn

Sigurbjörnsson. Að lokinn messu var athöfn við minnisvarða um hrapaða og drukknaða og þá sem farist hafa í flugslysum. Þar minntist Einar J. Gíslason þeirra er farist höfðu frá síðasta sjómannadegi. Í máli Einars kom fram að af þeim 27 mönnum, sem fórust í sjóslysum við landið. tengdist rúmlega helmingur Vestmannaeyjum á einhvern hátt. Einar minntist þeirra og lofaði undursamlega björgun Guðlaugs Friðþórssonar. Frú Jóna Guðmundsdóttir lagði blómsveig að fótstalli minnisvarðans meðan á fánakveðju stóð.<br>

son.<br>

Tunnuhlaup: Jón Bragi Arnarsson. <br>Stakkasund: Sveinbjörn Guðmundsson.<br> Reiptog: Piparsveinar.<br>

Síðan skemmtu þeir Gylfi Ægisson og Hermann Gunnarsson ásamt hljómsveitinni Geimsteini við mjög góðar undirtektir áhorfenda. Veður var sæmilegt og margmenni á Stakkó.<br>

Að vanda var hið ljúffenga Eykyndilskaffi í Alþýðuhúsinu og var þar frábært meðlæti. enda vel sótt.<br>

Formaður Sjómannadagsráðs að þessu sinni var Ástþór Jónsson sjómaður.<br>

<div style="text-align: right; direction: ltr; margin-left: 1em;">'''Ágúst Bergsson.'''</div><br>

{{Sjómannadagsblað Vestmannaeyja}}