Jórunn Guðjónsdóttir (Presthúsum)

From Heimaslóð
Jump to: navigation, search

Jórunn Ingunn Guðjónsdóttir húsfreyja í Presthúsum fæddist 14. febrúar 1910 og lést 28. nóvember 1995.
Foreldrar hennar voru Guðjón Eyjólfsson bóndi á Kirkjubæ, f. 9. mars 1872, d. 14. júlí 1935, og kona hans Halla Guðmundsdóttir húsfreyja, f. 29. ágúst 1875, d. 6. september 1939.

Börn Höllu og Guðjóns á Kirkjubæ voru:
1. Guðmundur sjómaður, f. 28. apríl 1900, drukknaði 16. desember 1924.
2. Jóhann Eyjólfur sjómaður, f. 20. desember 1901, drukknaði 20. ágúst 1924.
3. Gunnar Guðjónsson, f. 12. október 1903, d. 21. nóvember 1903.
4. Kristinn Guðjónsson, f. 7. október 1904, d. 18. október 1904.
5. Gunnar skipstjóri, f. 6. desember 1905, drukknaði 6. febrúar 1938.
6. Sigrún vinnukona, f. 9. júlí 1907, d. 20. júní 1967.
7. Þórdís húsfreyja, f. 26. nóvember 1908, d. 2. júní 1995, kona Sigurðar Bjarnasonar.
8. Jórunn Ingunn húsfreyja, f. 14. febrúar 1910, d. 28. nóvember 1995, kona Guðmundar Guðjónssonar.
9. Þórarinn bifreiðastjóri, f. 20. janúar 1912, d. 7. maí 1992, ókvæntur.
10. Gísli vélstjóri, f. 20. janúar 1914, drukknaði 6. febrúar 1938.
11. Lilja, f. 16. október 1915, d. 10. mars 1921.
12. Emma Kristín Reyndal húsfreyja, verslunarkona á Akranesi, f. 25. janúar 1917, d. 25. október 2001. Hún varð kjörbarn Jóhanns Péturs Reyndals bakarameistara í Tungu og konu hans Halldóru Guðmundu Kristjánsdóttur Reyndal húsfreyju.
13. Andvana drengur, f. 4. mars 1918.
14. Kjartan, f. 22. apríl 1919, d. 3. maí 1919.

ctr

Jórunn, Guðmundur og dætur.
Frá vinstri: Bára Jóney, Martea Guðlaug, Guðrún og Halla.


Maður Jórunnar var Guðmundur Guðjónsson Jónssonar, verkstjóri, vélstjóri og bjargveiðimaður, fæddur 28. janúar 1911, dáinn 18. desember 1969.
Þau hófu búskap sinn í Sólhlíð 26. Fluttust þau fljótlega að Landagötu 23, húsi sem þau eignuðust. Presthús eignuðust þau 1948 og fluttust þangað í janúar 1949. Byggðu þau nýtt hús utan um það gamla.

Jórunn og Þórarinn bróðir hennar.
Sigrún Bergmann.

Hjá þeim var í heimili frá 1945 bróðir Jórunnar, Þórarinn Guðjónsson (Tóti á Kirkjubæ), bifreiðastjóri, verkamaður og bjargveiðimaður.
Einnig var hjá þeim fötluð kona, Sigrún Bergmann, ættuð frá Patreksfirði, fædd 1912, d. 1987. Móðir hennar veiktist og gat ekki séð henni farborða. Sigrún kom til þeirra hjóna að Landagötu 1945 og fluttist með þeim að Presthúsum 1949. Dvaldi hún hjá þeim í 25 ár, er hún fluttist að Hátúni í Reykjavík.
Jórunn og Þórarinn bjuggu hjá Höllu dóttur Jórunnar á Landagötu 12 1972, en hún bjó síðast á Nýjabæjarbraut 8a.
Jórunn sá um að reita og verka fuglinn og aðrar afurðir frá bjargveiðmanninum og útbjó matarkassann fyrir hverja sókningu.

Börn þeirra Jórunnar og Guðmundar:
1. Guðrún, fædd 11. mars 1937.
2. Halla, fædd 4. desember1939.
3. Andvana drengur, f. 22. desember 1944.
4. Bára, fædd 6. nóvember 1946.
5. Martea Guðlaug, fædd 3. febrúar 1949.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.