Jónas Þorbergur Guðmundsson

Úr Heimaslóð, Sögusetri Vestmannaeyja
Fara í flakk Fara í leit
Jónas Þorbergur Guðmundsson.

Jónas Þorbergur Guðmundsson sjómaður, verkamaður í Reykjavík, fæddist 4. júlí 1908 í Dal og lést 1. október 1979.
Foreldrar hans voru Guðmundur Gíslason frá Seljavöllum u. Eyjafjöllum, útvegsbóndi, bátsformaður á Vilborgarstöðum, síðar starfsmaður Landsímans í Reykjavík, f. 9. janúar 1883, d. 8. apríl 1969, og kona hans Oddný Elín Jónasdóttir frá Bakka á Álftanesi, húsfreyja, f. 24. mars 1878, d. 30. nóvember 1967.

Börn Oddnýjar og Guðmundar:
1. Jónas Þorbergur Guðmundsson sjómaður, verkamaður í Reykjavík, f. 4. júlí 1908 í Dal, d. 1. október 1979.
2. Margrét Ingibjörg Guðmundsdóttir húsfreyja, f. 8. júní 1909 á Vilborgarstöðum, d. 7. mars 1976.
3. Magnús Guðmundsson málari í Reykjavík, f. 29. apríl 1912 á Vilborgarstöðum, d. 10. nóvember 1961.
4. Haraldur Kristinn Guðmundsson prentari, tónlistarmaður, tónlistarkennari, skólastjóri, f. 30. júlí 1922 á Vilborgarstöðum, d. 29. nóvember 1981.

Jónas var með foreldrum sínum í Dal og síðan á Vilborgarstöðum og fluttist með þeim til Reykjavíkur 1930, bjó hjá þeim á Barónsstíg 18 á því ári.
Þau Ólafía Ingibjörg giftu sig 1936, eignuðust tvö börn.
Jónas Þorbergur lést 1979 og Ólafía Ingibjörg 1993.

I. Kona Jónasar Þorbergs, (9. apríl 1936), var Ólafía Ingibjörg Þorgilsdóttir frá Þórshamri í Sandgerði á Miðnesi, húsfreyja, f. 23. september 1913, d. 2. október 1993. Foreldrar hennar voru Þorgils Árnason frá Eystrihól í V-Landeyjum, sjómaður, f. 22. júní 1878, d. 1. apríl 1927, og kona hans Unnur Sigurðardóttir frá Melabergi á Miðnesi, húsfreyja, f. 16. júní 1886, d. 28. júní 1965.
Börn þeirra:
1. Oddný Jónasdóttir, f. 7. nóvember 1940, d. 8. ágúst 1997. Fyrri maður hennar var Þorsteinn Kristinn Þorsteinsson. Síðari maður Gunnhallur Sigfreð Antonsson.
2. Þorgils Jónasson sagnfræðingur, f. 10. október 1948. Kona hans er Vilborg Bjarnadóttir.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.