Guðrún Hallsdóttir (Þorlaugargerði)

From Heimaslóð
Jump to: navigation, search

Guðrún Hallsdóttir húsfreyja í Brekkuhúsi og Þorlaugargerði fæddist 8. ágúst 1794 í Norðurgarði á Skeiðum og lést í Utah 1869.
Foreldrar hennar voru Hallur Vigfússon bóndi í Norðurgarði, f. 1768, d. 3. júlí 1809, og kona hans Guðrún Sigmundsdóttir húsfreyja, f. 1765, d. 1. desember 1806.

Guðrún var ógift vinnukona á Ofanleiti 1813, var þar enn 1822, giftist Jóni Oddssyni á því ári, var í húsmennsku þar 1823 og til vors 1825, en þau Jón voru bændur í Brekkuhúsi við fæðingu Guðrúnar í nóvember það ár, en voru komin að Þorlaugargerði 1827.
Þau eignuðust 12 börn, en 7 þeirra dóu úr ginklofa og eitt líklega einnig úr þeim sjúkdómi, (en prestarnir kölluðu ginklofann oft „barnaveikindin“ eða „barnaveikin“, svo algengur var hann).
Hún var ekkja í Þorlaugargerði 1835 með börn sín Guðrúnu Jónsdóttur 9 ára og Jón Jónsson eins árs.
Þau Loftur eignuðust tvö börn, en þau dóu bæði í frumbernsku úr ginklofa.
Guðrún var gift 46 ára húsfreyja í Þorlaugargerði 1840 með Lofti Jónssyni 26 ára og börnum sínum, með Lofti og börnunum 1845 og 1850 með sömu áhöfn og tökubarnið Amalíu Larsdóttur (Tranberg) 10 ára, (á að vera Ingunn), og 1855 með sömu áhöfn, en þá er hjá þeim Ingunn Larsdóttir (Tranberg) 15 ára.
Þau höfðu þá misst tvo nýfædda drengi úr ginklofa, annan 1837, hinn 1838.
Guðrún fluttist til Vesturheims 1857, 62 ára, með Lofti og börnunum Guðrúnu og Jóni Jónsbörnum.

I. Fyrri maður Guðrúnar, (28. júlí 1822), var Jón Oddsson bóndi og sjómaður í Brekkuhúsi 1825, síðar í Þorlaugargerði, drukknaði í Þurfalingsslysinu 5. mars 1834.
Börn þeirra hér:
1. Guðrún Jónsdóttir, 27. mars 1822 á Ofanleiti, d. 28. mars 1822 úr ginklofa.
2. Margrét Jónsdóttir, f. 19. maí 1823 á Ofanleiti, d. 27. maí úr ginklofa.
3. Margrét Jónsdóttir, tvíburi, f. 16. maí 1824 á Ofanleiti, d. 21. maí úr „Barnaveikindum“.
4. Anna Jónsdóttir, tvíburi, f. 16. maí 1824, d. 25. maí, orsök í ógreinilegri skrift.
5. Guðrúnu Jónsdóttir, f. 26. maí 1825 á Ofanleiti, d. 28. maí af „meðfæddri veiki“.
6. Guðrún Jónsdóttir, f. 13. nóvember 1826 í Brekkuhúsi, fór til Vesturheims 1857.
7. Margrét Jónsdóttir, f. 24. mars 1828 í Þorlaugargerði, d. 1. apríl 1828 úr ginklofa.
8. Jón Jónsson, f. 7. maí 1829, d. 12. maí úr ginklofa.
9. Snjófríður Jónsdóttir, f. 21. júlí 1830, d. 28. júlí 1830 úr ginklofa.
10. Halldór Jónsson, f. 13. nóvember 1831 í Þorlaugargerði, d. 21. nóvember 1831 úr ginklofa.
11. Þorbjörg Jónsdóttir, f. 26. apríl 1833, d. 12. maí 1833 úr ginklofa.
12. Jón Jónsson, f. 31. júlí 1834 í Þorlaugargerði, fór til Vesturheims 1857.

II. Síðari maður hennar, (27. október 1836), var Loftur Jónsson formaður, bóndi, smiður, meðhjálpari, sáttanefndarmaður, mormónatrúboði og mormónabiskup, f. 24. júlí 1814, d. 9. september 1874.
Börn þeirra voru:
13. Jón Loftsson, f. 22. september 1837 í Þorlaugargerði, d. 1. október 1837 úr ginklofa.
14. Loftur Loftsson, f. 18. desember 1838 í Þorlaugargerði, d. 28. desember 1838 úr ginklofa.
Fósturbarn þeirra var
15. Ingunn Larsdóttir, dóttir Lars Tranberg og fyrri konu hans Guðrúnar Sigurðardóttur.


Heimildir

  • Samantekt: Víglundur Þór Þorsteinsson.
  • Íslendingabók.is.
  • Landeyingabók – Austur-Landeyjar. Valgeir Sigurðsson og fleiri. Ritstjóri: Ragnar Böðvarsson. Austur-Landeyjahreppur, Gunnarshólma 1999.
  • Manntöl.
  • Prestþjónustubækur.
  • Vesturfaraskrá 1870-1914. Júníus H. Kristinsson. Sagnfræðistofnun Háskóla Íslands 1983.


Þessi grein tilheyrir Æviskrám Eyjafólks eftir Víglund Þór Þorsteinsson.