Draupnir Hauksson
Draupnir Hauksson frá Boðaslóð 7, sjómaður, fiskvinnslumaður fæddist 4. september 1963 í Eyjum.
Foreldrar hans voru Haukur Þór Guðmundsson, f. 5. júní 1926, d. 25. ágúst 1988, og kona hans Halldóra Ármannsdóttir húsfreyja, f. 8. desember 1935, d. 25. janúar 2017.
Börn Halldóru og Hauks:
1. Guðmar Þór Hauksson, f. 22. júní 1955.
2. Ármann Hauksson, f. 3. september 1956, d. 1. júní 2019.
3. Elín Hauksdóttir, f. 2. júní 1958. Maður hennar Guðlaugur Aðalsteinn Stefánsson.
4. Draupnir Hauksson, f. 4. september 1963, d. 23. október 2010. Fyrrum kona hans Fanney Friðriksdóttir frá Sandgerði.
5. Magni Freyr Hauksson, f. 12. ágúst 1964. Barnsmóðir hans Jósebína Ósk Fannarsdóttir.
Draupnir var með foreldrum sínum í æsku, í Eyjum og Grindavík, síðan með móður sinni á Selfossi. Hann flutti til Sandgerðis 1981, en síðustu 12 árin bjó hann í Keflavík. Hann vann ýmis störf, m.a. við fiskvinnslu. Þá var hann um tíma til sjós. Hann starfaði á Keflavíkurflugvelli og síðast við húsasmíðar. Síðustu 11 árin stundaði hann ekki vinnu sökum umferðarslyss sem hann lenti í.
Þau Fanney giftu sig 1987, eignuðust tvö börn. Þau skildu.
I. Kona Draupnis, (27. júní 1987), er Fanney Friðriksdóttir frá Sandgerði, húsfreyja, f. 7. nóvember 1964. Foreldrar hennar voru Friðrik Björnsson rafvirkjameistari, f. 2. mars 1927, d. 17. janúar 2004, og Þórhildur Sigurðardóttir húsfreyja, f. 10. júlí 1927, d. 23. desember 2010.
Börn þeirra:
1. Hildur Mekkín Draupnisdóttir hárgreiðslumeistari, f. 10. apríl 1987.
2. Dagný Lind Draupnisdóttir, f. 9. júlí 1933.
Heimildir
- Samantekt: Víglundur Þór Þorsteinsson.
- Íslendingabók.
- Morgunblaðið 15. nóvember 2010. Minning.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.