Arnbjörn Sigurgeirsson (kennari)
Arnbjörn Sigurgeirsson kennari, verslunarmaður, kaupmaður fæddist 21. september 1904 að Selfossi, Árn. og lést 15. maí 1979.
Foreldrar hans voru Sigurgeir Arnbjarnarson bóndi á Selfossi, 2. býli, f. 27. nóvember 1877, d. 31. mars 1967, og kona hans Jóhanna Andrea Bjarnadóttir húsfreyja, f. 24. febrúar 1878, d. 25. mars 1964.
Arnbjörn var með foreldrum sínum í æsku.
Hann nam í Alþýðuskólanum á Hvítárbakka 1924-1925, lauk kennaraprófum 1928.
Arnbjörn var kennari í Sandvíkurhreppi, Árn. 1928-1929, Barnaskólanum í Eyjum 1929-1940, stundakennari í Iðnskólanum í Eyjum 1932-1934.
Hann var verslunarmaður hjá Kaupfélagi Árnesinga á Selfossi 1940-1941 (hafði áður unnið þar flest sumur 1930-1940). Hann var kaupmaður á Selfossi frá 1941- dánardægurs.
Arnbjörn var í stjórn Kennarafélags Vestmannaeyja 1933-1937 og 1939-1940, var skólanefndarmaður í Eyjum 1938-1940, í Sandvíkurhreppi 1942-1947, sat í stjórn Sjúkrasamlags Sandvíkurhrepps frá stofnun 1942 og lengi.
Þau Viktoría giftu sig 1934, eignuðust eitt barn. Þau bjuggu við Fífilgötu.
Viktoría lést 1968 og Arnbjörn 1979.
I. Kona Arnbjörns, (15. september 1934), var Viktoría Margrét Jónsdóttir kennari, f. 8. janúar 1905, d. 8. janúar 1968.
Barn þeirra:
1. Jóhanna Sigrún Arnbjörnsdóttir húsfreyja í Hafnarfirði, bankastarfsmaður, f. 9. september 1942.
Heimildir
- Samantekt: Víglundur Þór Þorsteinsson.
- Íslendingabók.
- Kennaratal á Íslandi. Ólafur Þ. Kristjánsson og fleiri. Prentsmiðjan Oddi 1958-1988.
Þessi grein tilheyrir Æviskrám Eyjafólks eftir Víglund Þór Þorsteinsson.