Arnbjörg Vigfúsdóttir (Kirkjubæ)

Arnbjörg Vigfúsdóttir húsfreyja fæddist 1756 í Hemru í Skaftártungu og lést 28. apríl 1843 á Neðri-Þverá í Fljótshlíð.
Foreldrar hennar voru Vigfús Vigfússon bóndi í Hemru, f. 1722, og kona hans Vilborg Jónsdóttir húsfreyja, f. 1731.

Arnbjörg var bústýra á Skagnesi í Mýrdal 1784-1785, húsfreyja þar 1785-1786, á Hellum í Mýrdal líklega 1787-1789, á Ljótarstöðum um 1791-1792, á Snæbýli 1792 líklega til 1821, síðan hjá dóttur sinni þar til 1827, í Jórvík og í Hraunbæ um óvíst skeið.
Hún kom ekkja úr Skaftárhreppi að Kirkjubæ 1836 og var hjá Arnbjörgu dóttur sinni þar 1836, hjá Hallvarði syni sínum á Neðri-Þverá í Fljótshlíð 1840.
Hún lést 1843.

Maður Arnbjargar, (20. október 1785), var Hallvarður Halldórsson bóndi, f. 1735, látin fyrir brottför Arnbjargar 1836. Hún var síðari kona hans.
Börn þeirra voru
1. Arnbjörg Hallvarðsdóttir húsfreyja á Kirkjubæ, f. 1786, d. 26. febrúar 1837.
2. Vilborg Hallvarðsdóttir húsfreyja í Snæbýli í Skaftártungu og víðar, f. 1793, d. 11. október 1869. Maður hennar var Ólafur Ólafsson bóndi, f. 1791.
3. Vigfús Hallvarðsson, f. 1794, líklega d. fyrir 1816.
4. Hallvarður Hallvarðsson bóndi á Neðri-Þverá í Fljótshlíð, f. 1796, á lífi 1860. Kona hans, (skildu), var Halldóra Eiríksdóttir, f. 1800, d. 27. apríl 1870.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.


Copyright © Vestmannaeyjabær 2005


... þó á Höfðanum þjóti ein þrettán stig ...