Aðalbjörg Jónsdóttir (Miðey)

Úr Heimaslóð, Sögusetri Vestmannaeyja
Stökkva á: flakk, leita

Aðalbjörg Jónsdóttir húsfreyja fæddist 14. september 1863 og lést 2. júlí 1947.
Faðir Aðalbjargar var Jón bóndi á Miðhúsum í Sandvíkurhreppi í Flóa, f. 12. apríl 1834 í Reyjasókn í Árn., d. 19. júní 1872, Jónsson bónda á Núpum í Reykjasókn, f. 1801 í Reyjasókn, d. 19. febrúar 1865, Þórðarsonar bónda og hreppstjóra í Bakkárholti í Ölfusi 1801, f. 1757, d. 2. mars 1838, Jónssonar, og konu (4. október 1787), Þórðar, Ingveldar húsfreyju, f. 1759, d, 1802, Guðnadóttur.
Móðir Jóns á Miðhúsum og kona Jóns á Núpum var Sigríður húsfreyja, f. 28. maí 1806, d. 25. mars 1868, Gísladóttir bónda og hreppstjóra í Reykjakoti í Ölfusi, f. 1760, d. 27. maí 1840, Guðnasonar, og konu Gísla, Guðríðar húsfreyju, f. 1765 að Sogni í Ölfusi, d. 6. maí 1837, Jónsdóttur.

Móðir Aðalbjargar og kona (1850 ) Jóns á Miðhúsum var Aðalbjörg húsfreyja, f. 25. janúar 1830 í Bessastaðasókn á Álftanesi, d. 15. október 1917, Eyjólfsdóttir bónda í Hagakoti og á Brekkuflöt á Álftanesi 1845, f. 29. ágúst 1800 í Laugardælasókn í Árnessýslu, d. 12. mars 1868, Eyjólfssonar bónda í Útkoti á Kjalarnesi, f. 1766 í Útey í Laugardal, d. 18. október 1854, Jónssonar, og konu Eyjólfs í Útkoti, Steinunnar húsfreyju, f. 1771 á Álfsnesi í Gufunessókn, d. 21. apríl 1854, Örnólfsdóttur.
Móðir Aðalbjargar á Miðhúsum og kona Eyjólfs í Hagakoti var Ingibjörg húsfreyja, f. 5. desember 1797 á Þórustöðum í Grímsnesi, d. 22. maí 1866, Sturludóttir bónda á Þórustöðum 1801, f. 19. desember 1750, d. 27. ágúst 1823, Jónssonar bónda á Hæli í Flókadal og Skáneyjarkoti í Reykholtsdal, Jónssonar, og konu Sturlu Jónssonar, Guðrúnar húsfreyju, f. um 1761 á Kiðabergi í Grímsnesi, d. 3. maí 1846, Gísladóttur.

Aðalbjörg var systir
1. Ingibjargar Gíslínu Jónsdóttur húsfreyju á Gamla-Hrauni á Eyrarbakka, síðar í Nýborg í Eyjum, f. 1. september 1867, d. 2. apríl 1937, gift Jóni Guðmundssyni bónda og formanni á Gamla-Hrauni á Eyrarbakka, en þau voru m.a. foreldrar:
a) Þórðar Jónssonar á Bergi,
b) Gunnars Marels Jónssonar,
c) Guðmundar Jónssonar á Háeyri,
d) Lúðvíks Jónssonar bakarameistara í Haga,
e) Guðna Jónssonar prófessors, sem var kennari við unglingaskóla í Eyjum 1926-1927,
f) Guðmundar Júníusar Jónssonar, sem var sjómðaur í Eyjum 1930, síðar skipstjóri á Akranesi,
g) Magnúsar Valdimars Jónssonar skipasmiðs á Bergi og
h) Ágústínu Jónsdóttur, síðar í Hafnarfirði.

Hún var systir
2. Gíslínu Jónsdóttur húsfreyju í Ásgarði, f. 18. apríl 1871, d. 18. júlí 1953, konu Árna Filippussyni, en börn þeirra voru
a) Guðmundur Árnason, f. 17. október 1898, d. 27. jan. 1988.
b) Filippus Árnason, f. 7. júní 1902, d. 1. júní 1974.
c) Guðrún Árnadóttir, f. 23. desember 1903, d. 25. október 1999.
d) Katrín Árnadóttir, f. 12. október 1905, d. 8. maí 1981.
Auk þess fóstruðu þau tvö systkini frá Gamla-Hrauni á Eyrarbakka, systurbörn Gíslínu:
5. Lúðvík Jónsson, síðar bakarameistari í Haga og á Selfossi, f. 12. október 1904, d. 21. mars 1983.
2. Ágústínu Jónsdóttur húsfreyju í Hafnarfirði, f. 11. maí 1906, d. 1. nóvember 1989.

Jón og Aðalbjörg foreldrar Aðalbjargar bjuggu á Miðhúsum í Sandvíkurhreppi 1861-1870, en urðu þá að bregða búi sökum fátæktar.
Jón faðir hennar lést, er hún var á 9. árinu.
Aðalbjörg var niðursetningur á Selfossi í Flóa 1870, vinnukona í Hvammi í Ölfusi 1880.
Hún var bústýra hjá Sigurði Gíslasyni bónda í Gíslakoti á Álftanesi 1890 og með þeim var barn hennar Guðrún Gísladóttir 4 ára, fædd í Bessastaðasókn. Hún var bústýra Sigurðar á Grund í Reykjavík 1901 með barnið Valgerði Sigurðardóttur 10 ára, en Guðrún dóttir hennar var 14 ára stödd hjá Gíslínu móðursystur sinni á Vegamótum, en var húsfreyja í Guðjónshúsi á Norðfirði 1910.
Aðalbjörg og Sigurður giftu sig 1906 og bjuggu í Reykjavík 1910, barnlaus. Valgerður átti heimili hjá þeim, en vann í Keflavík.
Þau fluttust til Eyja 1914. Aðalbjörg var vinnukona hjá Valgerði dóttur sinni í Miðey 1915 og enn 1924, en þá var Valgerður orðin ekkja eftir Símon Egilsson. Sigurður var á þessum árum skráður leigjandi í fyrstu, en síðan faðir húsfreyju. Þau voru enn í Miðey 1930 og 1940. Þau fluttust til Reykjavíkur, bjuggu síðast á Víðimel 53.
Sigurður lést 1945 og Aðalbjörg 1947.

I. Barnsfaðir Aðalbjargar var Gísli Kaprasíusson vinnumaður, sjómaður, f. 22. janúar 1853, d. 30. ágúst 1915.
Barn þeirra var
1. Guðrún Gísladóttir húsfreyja í Mjóafirði og í Holti í Norðfirði, gift Sigurði Jónssyni; hún f. 27. ágúst 1887 á Skógtjörn á Álftanesi, d. 12. mars 1977 á Elliheimilinu Grund í Reykjavík.

II. Maður Aðalbjargar, (1906), var Sigurður Gíslason áður bóndi í Gíslakoti á Álftanesi, f. 2. júlí 1855, d. 2. febrúar 1945.
Barn þeirra hér:
1. Valgerður Sigurðardóttir húsfreyja í Miðey, f. 13. ágúst 1891, d. 4. mars 1962. Maður hennar var Símon Egilsson vélstjóri, útgerðarmaður, f. 22. júlí 1883, d. 20. ágúst 1924.


Heimildir

  • Samantekt: Víglundur Þór Þorsteinsson.
  • Íslendingabók.is.
  • Manntöl.
  • Mjófirðingasögur. Vilhjálmur Hjálmarsson. Bókaútgáfa Menningarsjóðs 1987-1990.
  • Prestþjónustubækur.


Þessi grein tilheyrir Æviskrám Eyjafólks eftir Víglund Þór Þorsteinsson.