Nikulás Illugason (Svaðkoti)
Nikulás Illugason vinnumaður fæddist 13. október 1778 og lést 24. júní 1827 í Gvendarhúsi.
Foreldrar hans voru Illugi Erlendsson bóndi á Sperðli, Álfhólum og Vestri-Tungu í Landeyjum, síðast í Oddhól á Rangárvöllum, hreppstjóri í V-Landeyjum, f. 1739, d. 28. desember 1800, og kona hans Sigríður Þorleifsdóttir húsfreyja og bóndi, f. 1745, d. 20. ágúst 1804.
Nikulás var með ekkjunni móður sinni í Oddhól 1810, vinnumaður á Prestbakka á Síðu 1815-1818.
Hann fluttist frá Prestbakka að Ofanleiti 1818, var þar vinnumaður til 1822, er hann fluttist að Svaðkoti og var þar vinnumaður til 1827, en var þá settur niður í Gvendarhúsi og lést þar niðursetningur 1827.
Nikulás var ókvæntur og barnlaus.
Heimildir
- Samantekt: Víglundur Þór Þorsteinsson.
- Íslendingabók.is.
- Manntöl.
- Prestþjónustubækur.
- Rangvellingabók. Valgeir Sigurðsson. Rangárvallahreppur, Hellu 1982.
- Vestur-Skaftfellingar 1703-1966. Björn Magnússon. Leiftur 1970-1973.