Sigurður Árnason (Steinsstöðum)
Sigurður Árnason bóndi á Steinsstöðum fæddist 1844 og hrapaði úr Stórhöfða 4. ágúst 1880.
Foreldrar hans voru Árni Árnason í Hrífunesi í Skaftártungu, f. 13. janúar 1823 þar, d. 4. september 1845 þar, og Ragnhildur Guðmundsdóttir fyrrum húsfreyja í Skálmarbæ í Álftaveri, f. 2. október 1815 í Gröf í Skaftártungu, d. 11. mars 1854 á Þórunúpi í Rang.
Sigurður var tökubarn á Flögu í Skaftártungu 1844-1845, í Sauðhúsnesi í Álftaveri 1845-1846. Hann var með móður sinni í Hrífunesi 1846-1852 og fór þá að Þórunúpi. Hann var aftur tökubarn á Flögu 1854-1855, á Búlandi í Skaftártungu 1855-1856, niðursetningur í Svínadal þar 1856-1857, í Hvammi þar 1857-1861, vinnudrengur í Efri-Ey í Meðallandi 1861-1862. Þá fór hann að Mið-Mörk u. Eyjafjöllum.
Sigurður fluttist til Eyja frá Hrútafelli u. Eyjafjöllum 1864, vinnumaður að Kirkjubæ.
Hann var vinnumaður í Elínarhúsi 1870, vinnumaður í Draumbæ 1871, bóndi á Steinsstöðum við andlát 1880.
Kona Sigurðar, (7. júní 1872), var Margrét Sæmundsdóttir húsfreyja, f. 1. október 1835, d. 12. mars 1880.
Börn þeirra voru:
1. Árni Sigurðsson, f. 24. nóvember 1871, d. líklega í Vesturheimi.
2. Jón Sigurðsson, f. 8. mars 1880, d. 17. mars 1880 úr „barnaveiki“.
Heimildir
- Samantekt: Víglundur Þór Þorsteinsson.
- Manntöl.
- Prestþjónustubækur.
- Vestur-Skaftfellingar 1703-1966. Björn Magnússon. Leiftur 1970-1973.