Jón Jónsson (Norðurgarði)

Jón Jónsson bóndi í Norðurgarði fæddist 1. mars 1791 í Breiðabólsstaðarsókn og hrapaði til bana úr Stórhöfða 21. ágúst 1851.

Faðir hans var Jón bóndi í Háakoti í Fljótshlíð 1801, á Grjótá þar 1816, í Norðurgarði hjá Jóni 1823 og 1824, f. 1750 á Gjábakka í Eyjum, d. 22. nóvember 1824, Þorkelsson.

Móðir Jóns í Norðurgarði og kona Jóns Þorkelssonar var Þorgerður húsfreyja, f. 1748 á Giljum í Hvolhreppi, d. 13. maí 1818, Jónsdóttir.

Systir Jóns í Norðurgarði var Sigþrúður Jónsdóttir húsfreyja í Þorlaugargerði 1835, f. 1785 í Réttarhúsum í Fljótshlíð, d. 8. mars 1860. Maður hennar var Sigurður Sigurðsson bóndi í Þorlaugargerði 1840, hrapaði úr Stórhöfða 9. september 1844, 31 árs.
Systir Jóns Ingibjörg Jónsdóttir var hjá ekkjunni Sigþrúði systur sinni 1845.

Jón og Valgerður komu að Norðurgarði 1823 frá Gjábakka, þar sem þau höfðu verið vinnufólk.

Jón var tvíkvæntur.

I. Fyrri kona hans, (30. október 1819), var Valgerður Jónsdóttir húsfreyja frá Vetleifsholti í Holtum, skírð 6. apríl 1788, d. 21. júlí 1825.
Barn þeirra:
1. Jón Jónsson, f. 14. janúar 1819, d. 20. janúar 1819 „af Barnaveikindum“, (mun vera ginklofi).

II. Síðari kona Jóns, (21. nóvember 1825), var Ingibjörg Guðmundsdóttir húsfreyja í Norðurgarði, f. 26. nóvember 1799, d. 29. nóvember 1883.
Börn Jóns og Ingibjargar hér:
2. Valgerður Jónsdóttir, f. 16. apríl 1827, d. 6. ágúst 1827 „af Barnaveikindum“, (mun vera ginklofi).
3. Þorgerður Jónsdóttir, f. 21. mars 1829, d. 30. mars 1829 úr ginklofa.
4. Kristín Jónsdóttir, f. 26. júní 1830, d. 1. júlí 1830 úr ginklofa.
5. Jóhanna Jónsdóttir, f. 9. júní 1831, d. 22. júní 1831 úr ginklofa.
6. Valgerður Jónsdóttir, f. 20. ágúst 1832, d. 7. október 1897 Vestanhafs. Hún var tvíburi.
7. Ingibjörg Jónsdóttir, f. 20. ágúst 1832, d. 23. ágúst 1832 úr ginklofa. Hún var tvíburi.
8. Sigríður Jónsdóttir, f. 13. nóvember 1835, d. 20. nóvember 1835 úr ginklofa.
9. Guðrún Jónsdóttir, f. 3. maí 1837, d. 11. maí 1837 úr ginklofa.
10. Jón Jónsson, f. 10. október 1841, d. 22. október 1841 úr ginklofa.

---

Heimildir

• Samantekt: Víglundur Þór Þorsteinsson.
• Holtamannabók II – Ásahreppur. Valgeir Sigurðsson og fleiri. Ritstjórn: Ragnar Böðvarsson. Ásahreppur 2007.
• Íslendingabók.is.
• Manntöl.
• Prestþjónustubækur.