Hólmfríður Bjarnadóttir (Miðhúsum)

Hólmfríður Bjarnadóttir fæddist 26. apríl 1810 og lést 24. janúar 1855 „af holdsveiki‟.
Foreldrar hennar voru Bjarni Björnsson á Miðhúsum og kona hans Halldóra Pétursdóttir.

Hólmfríður var með foreldrum sínum og síðan föður sínum, fermdist 1827.
Hún var í Dölum við giftingu í september 1834, í Kornhól 1835, á Vesturhúsum 1836, skilin vinnukona í Dölum 1840, skráð 33 ára ekkja, vinnukona í Dölum 1845, skilin vinnukona í Kornhól 1850.

Maður Hólmfríðar, (13. september 1834, skildu), var Sigmundur Jónatansson beykir í Kornhól, f. 1803, d. 27. ágúst 1860.
Börn þeirra hér:
1. Jónatan Sigmundsson, f. (15. desember) 1834, d. 25. desember 1834, 10 daga gamall úr ginklofa.
2. Börre Sigmundsson, f. 15. nóvember 1835, d. 4. nóvember 1835, 7 d. gamall, (dagsetningar svona í prestþj.bók).
3. Oddfríður Sigmundsdóttir, f. 11. desember 1836, d. 23. desember 1836 úr ginklofa.

---

Heimildir

• Samantekt: Víglundur Þór Þorsteinsson.
• Íslendingabók.is.
• Manntöl.
• Prestþjónustubækur.