Dagar og nætur

Skipið mig ber yfir spegilslétt haf

og stefnan er tekin til þín.

Gleymt hef ég ólgu og óveðragný

og nú kem ég heim á ný.

Í fjörunni stóð ég og fylgdist með sæ

en skipið þitt færðist ei nær.

Nú sé ég betri og bjartari tíð

er nálgast þjóðhátíð.

Viðlag:

Já daga og nætur í Dalnum ég dvel

og hér vil ég vera með þér.

Í kvöld logar bálköstur klettinum á,

þá kviknar í hjartanu ástarþrá.

Við svífum um götuna saman í kvöld

og skuggarnir leika við tjöld.

Leiftur á himni og ljósin svo skær

nú laða mig nær og nær.

Lag og texti: Geir Reynisson