Páll Magnússon (prestur)
Páll Magnússon, 1781 til 1789. Fæddur í Sigluvík í Landeyjum 1743. Foreldrar: Magnús Magnússon í Berjanesi í Landeyjum og kona hans Ingibjörg Pálsdóttir á Steinsmýri Þorsteinssonar. Varð stúdent frá Skálholtsskóla 1767, vígðist aðstoðarprestur séra Magnúsar Sveinssonar í Stóra Dal 1769, bjó fyrst í Eyvindarkoti, síðar í Miðmörk. Fékk Hvalsnes 1773, Stóra Dal 1774 og Ofanleiti 1781 og hélt því til æviloka, varð bráðkvaddur að lokinni messu 24. maí 1789. Var talinn vel gefinn, kennimaður góður, hraustmenni og starfsamur, en þjáðist af niðurfallssýki. Kona hans var Guðrún Hálfdánardóttir prests að Eyvindarhólum, Gíslasonar. Þau áttu fjögur börn, þar á meðal var Ingibjörg er giftist séra Jóni Matthíassyni í Arnarbæli, en sonur þeirra var Páll Mathiesen, síðar prestur þar og víðar.
Heimildir
- Guðlaugur Gíslason: Eyjar gegnum aldirnar. Frásagnir af mannlífi og atburðum í Vestmannaeyjum frá gamalli tíð og nýrri. Reykjavík, 1982.