Þuríður Magnúsdóttir (Varmahlíð)
Þuríður Magnúsdóttir fyrrverandi húsmóðir að Kraga á Rangárvöllum, síðar í Varmahlíð í Eyjum, fæddist 28. apríl 1873 og lézt 19. september 1951 í Eyjum.
Ætt og uppruni
Foreldrar hennar voru Magnús bóndi í Litlamel í Þykkvabæ í Rangárvallasýslu, f. 24. júní 1824, d. 26. júní 1905, Sigurðar bónda á Háfi þar, f. 23. febr. 1790, d. 18. okt. 1861, Sigurðssonar og kona hans Sólrún húsmóðir, f. 24. maí 1829, d. 7. marz 1890, Felix bónda í Mel í Þykkvabæ, f. 29. okt. 1805, d. 4. apríl 1876, Felixsonar.
Þuríður var húsmóðir í Kraga á Rangárvöllum frá 1893-1947, er hún fluttist til Eyja með Eiríki og dvaldi í Varmahlíð hjá dóttur sinni Pálínu.
Fjölskylda
Þuríður giftist 29. maí 1891 Eiríki Pálssyni, f. 1866. Börn þeirra voru:
- Helga bústýra, f. 12. des. 1892, d. 26. okt. 1961,
- Margrét húsfreyja, f. 13. des. 1893, d. 8. apríl 1966,
- Pálína, f. 10. apríl 1895, d.13. janúar 1983
- Sigríður húsfreyja, f. 15. júní 1897, d. 1. júlí 2001,
- Sólrún, f. 16. febr. 1899, d. 10. jan. 1989,
- Magnús, f. 2. maí 1902, d. 26. sept. 1960,
- Sigurbergur, f. 5. maí 1907, d. 26. s. mán.,
- Sigríður Lilja húsfreyja, f. 6. nóv. 1910, d. 18. júní 2001.
Heimildir
- Upphaflega grein skrifaði Víglundur Þór Þorsteinsson.
- Valgeir Sigurðsson. Rangvellingabók. Hella: Rangárvallahreppur, 1982.
- Hafsteinn Ágústsson.
Þessi grein tilheyrir Æviskrám Eyjafólks eftir Víglund Þór Þorsteinsson.