Há

Háhá, eða Há-há, er klettur sem stendur vestast á því fjalli sem kallað er Háin. „Há“ er þó réttara notað sem heildarheiti yfir allt fjallið sem stendur austan við Herjólfsdal. Há-há er, eins og nafnið bendir til, hæsti punktur fjallsins, en hann stendur um 220m yfir sjávarmál. Þar er fánastöng sem er gjarnan flaggað á við hátíðleg tækifæri, og er jafnframt spotti bundinn milli þeirrar fánastangar og annarrar eins á Blátindi yfir Þjóðhátíð, og skraut hengt þar á milli.