Lea Oddsdóttir
Lea Oddsdóttir ljósmóðir, hjúkrunarforstjóri, f. í Neskaupstað 27. sept. 1955.
Foreldrar: Oddur Alfreð skólastjóri Gagnfræðaskólans og Iðnskólans þar, síðar Víghólaskóla í Kópavogi, en síðast bókasafnsvörður í Eyjum, f. 23. júlí 1911 á Grund í Svínadal í A-Húnavatnssýslu, d. 26. marz 1983 í Eyjum, Sigurjóns
bónda á Rútsstöðum í Svínavatnshreppi þar, f. 7. júní 1891 í Brautarholti í Reykjavík, d. 10. sept. 1989 á Blönduósi, Oddssonar og barnsmóður Sigurjóns, Ingibjargar verkakonu í Þórðarhúsi í Blönduóshreppi og húsfreyju á Vesturá, f. 31. des. 1882 á Blönduósi, d. 10. okt. 1955, Jósefs bónda á Hamri í Svínavatnshreppi, Jósefssonar bónda í Hlíð í Norðurárdal, Helgasonar. Móðir Leu og kona (13. ágúst 1938) Odds skólastjóra var Magnea Sigríður húsfreyja, matráðskona við barnaskóla í Kópavogi, síðar við barnaskóla í Eyjum, f. 26. febr. 1917, d. 1. okt. 2001, Bergvins kennara og verkamanns á Svalbarðseyri við Eyjafjörð, f. 21. júní 1882, d. 11. jan. 1965, Jóhannssonar og konu Bergvins, Sumarrósar húsfreyju, Magnúsar bónda á Efri-Vindheimum á Þelamörk í Eyjafirði Oddssonar.
Lea lauk stúdentsprófi við Menntaskólann í Kópavogi 1976, ljósmæðraprófi við Ljósmæðraskóla Íslands 30. sept. 1978 og hjúkrunarprófi við Nýja hjúkrunarskólann 1986.
Hún var ljósmóðir í Eyjum frá 4. okt. 1978 til 29. okt. 1983, þar af deildarljósmóðir frá 1981 og síðan í afleysingum þar 6. júní -10. sept. 1984. Vann þá á Sjúkrahúsi Keflavíkur frá 1985, deildarljósmóðir þar og einnig í afleysingum.
Til Eyja flutti Lea 1994 og varð hjúkrunarforstjóri á Hraunbúðum, dvalarheimili aldraðra. Hefur unnið á einstöku ljósmæðravöktum á Sjúkrahúsinu.
Barnsfaðir: Ingi Rúnar Eðvarðsson dósent við Háskólann á Akureyri, f. 21. des. 1958.
Barn: Sigurlaug Birna Leudóttir, f. 24. nóv. 1992.
Maki II (fjarbúð): Ragnar Ragnarsson framleiðslustjóri Ísafoldarprentsmiðju, f. 1. marz 1953.
Heimildir
- Ljósmæður á Íslandi. Rvk 1984.
- Kennaratal.
- Ættir Austur-Húnvetninga 580/151/306.
- Lea Oddsdóttir, pers.