Viðar Karlsson (skipstjóri)
Viðar Karlsson frá Einidrangi við Brekastíg 29, sjómaður, skipstjóri fæddist þar 26. nóvember 1935 og lést 7. september 2022 á Akranesi.
Foreldrar hans voru Karl Óskar Guðmundsson frá Viðey, skipstjóri, útgerðarmaður, f. 6. apríl 1911 í Nýjabæ í Ásahreppi, Rang., d. 16. janúar 1988, og kona hans Sigríður Sóley Sveinsdóttir frá Þykkvabæjarklaustri í Álftaveri, V.-Skaft., d. 7. maí 2003.
Börn Sigríðar og Karls:
1. Viðar Einarsson, f. 26. nóvember 1935 á Einidrangi. Kona hans Adda Ingvarsdóttir.
2. Svanhildur Karlsdóttir, f. 3. október 1941 í Steinum.
3. Hrafnhildur Karlsdóttir, f. 2. júní 1946 í Dal. Sambýlismaður hennar Ómar Guðmundsson.
4. Guðmundur Karlsson vélaverkfræðingur, framkvæmdastjóri í Reykjavík, f. 24. mars 1942 í Grafarholti í Mosfellssveit. Kona hans Sigrún Katrín Sigurjónsdóttir. Barnsmóðir hans Karen Hólmgeirs Jóhannsdóttir.
Viðar var með foreldrum sínum í æsku, á Einidrangi, í Steinum við Urðaveg 8 og í Dal við Kirkjuveg 35, var í sveit á sumrin hjá ömmu sinni og afa á Þykkvabæjarklaustri. Hann flutti með foreldrum sínum að Skeggjastöðum í Mosfellssveit 1947.
Hann tók fiskimannapróf 1959.
Viðar hóf ungur sjómennsku, réri með föður sínum, varð skipstjóri 25 ára. Hann var skipstjóri á bátum frá Akranesi, m.a. Reyni AK, Höfrungi AK, Haraldi AK, Óskari Magnússyni AK og lengst á Víkingi AK 100.
Þau Sigríður Adda giftu sig, eignuðust þrjú börn. Þau bjuggu síðast á Brekkubraut 28 á Akranesi.
Viðar lést 2022 á Akranesi.
I. Kona Viðars er Sigríður Adda Ingvarsdóttir húsfreyja, f. 17. september 1938 á Akranesi. Foreldrar hennar voru Ingvar Árnason sjómaður, fiskimatsmaður, f. 9. nóvember 1907 í Ráðagerði á Akranesi, d. 17. janúar 1988, og kona hans Steinunn Jósefsdóttir húsfreyja, ræstitæknir, saumakona, f. 27. mars 1915, d. 22. apríl 2008.
Börn þeirra:
1. Dröfn Viðarsdóttir tölvunarfræðingur, f. 3. janúar 1962. Maður hennar Sigurgeir Sveinsson.
2. Ingunn Viðarsdóttir sjúkraþjálfari, f. 15. júlí 1865. Fyrrum maður hennar Engilbert Guðjón Þórðarson. Fyrrum sambúðarmaður hennar Sigurjón Guðjón Davíðsson. Maður hennar Ásgeir Ásgeirsson.
3. Karl Óskar Viðarsson verkfræðingur, f. 30. maí 1970. Kona hans Nína Guðbjörg Jóhannsdóttir.
Heimildir
- Samantekt: Víglundur Þór Þorsteinsson.
- Íslendingabók.
- Morgunblaðið 16. september 2022
- Prestþjónustubækur.
- Sjúkraþjálfaratal. Ritstjórar: Steingrímur Steinþórsson, Ívar Gissurarson. Mál og mynd 2001.
- Skipstjóra- og stýrimannatal. Guðmundur Jakobsson. Ægisútgáfan 1979.
Þessi grein tilheyrir Æviskrám Eyjafólks eftir Víglund Þór Þorsteinsson.