Ingibergur Gíslason (Sandfelli)

Ingibergur Gíslason, Sandfelli, fæddist á Eyrarbakka 16. janúar 1897. Til Vestmannaeyja fór Ingibergur árið 1919 og gerðist háseti á Kristbjörgu hjá Þórarni Guðmundssyni. Eftir það er hann vélamaður á ýmsum bátum allt til 1927 að hann byrjar formennsku með Frans. Eftir það var Ingibergur meðal annars með Ásdísi, Helgu og Auði.

Óskar Kárason samdi formannavísu um Ingiberg:

Sandfells Ingi Auði ver

ill þótt kveini dýna,

í dragnótina dregur sér

drætti stundum fína.

---

Heimildir

• Óskar Kárason. Formannavísur. Vestmannaeyjum, 1950.
• Sjómannablaðið Víkingur. Farmanna- og Fiskimannasamband Íslands.