Vigfús Sigurðsson (Pétursborg)
![](/images/thumb/d/d4/Vigf%C3%BAs_og_fj%C3%B6lskylda.jpg/250px-Vigf%C3%BAs_og_fj%C3%B6lskylda.jpg)
Vigfús Sigurðsson, Pétursborg, fæddist 24. júlí 1893. Árið 1908 fluttist Vigfús til Vestmannaeyja með foreldrum sínum, Sigurði Vigfússyni og Ingibjörgu Björnsdóttur. Bjó hann í Pétursborg með fjölskyldu sinni. Hann kvæntist Jónu Guðríði Vilhjálmsdóttur. Þau bjuggu að Bakkastíg 3 og áttu tvær dætur, Ástu og Láru. Húsið sem þau bjuggu í á Bakkastíg var kallað Fúshús, eftir Vigfúsi.
Vigfús byrjaði ungur sjómennsku og árið 1920 hóf hann formennsku á Blíð. Eftir það er hann með Gústaf, Kap og fleiri báta fram yfir 1930. Eftir það hætti Vigfús formennsku og stundaði útgerð í nokkur ár.
Áhöfn Vigfúsar á vélbátnum Gunnari Hámundarsyni var hætt komin þann 9. janúar 1926 nærri Stokkseyri, í atburði sem er kallaður Stokkseyrarveðrið 9. janúar 1926. Þar voru sextíu menn á tveimur bátum sem komust lífs af eftir miklar hrakningar.
Heimildir
- Guðmundur Vigfússon. Stokkseyrarveðrið 9. janúar 1926. Sjómannadagsblaðið 1982. 31. árg.
- Sjómannablaðið Víkingur. Farmanna- og Fiskimannasamband Íslands.