Urðaviti

Urðaviti ásamt einu af varðskipi Íslands, Bjarnarey og Elliðaey.

Fyrsti vitinn með þessu nafni var byggður á Urðunum, á austurströnd Heimaeyjar árið 1925, en fór undir hraun í gosinu árið 1973. Eftir gos hafa verið byggðir 3 vitar, sá fyrsti sem var byggður fór í sjóinn þegar hraunið brotnaði undan honum, sá næsti var fjarlægður áður en hann hlyti sömu örlög. Sá viti sem nú stendur var byggður árið 1986 og rafvæddur frá upphafi.