Soffía Gísladóttir (Jaðri)
Soffía Gísladóttir frá Jaðri fæddist 31. desember 1915 í Görðum og lést 14. september 2003.
Foreldrar hennar voru Gísli Þórðarson verkamaður, f. 5. desember 1877, d. 7. nóvember 1943, og kona hans Guðleif Kristjánsdóttir húsfreyja , f. 13. október 1886, d. 22. janúar 1917.
Systkini hennar voru:
1. Haraldur Gíslason sjómaður, verkamaður, f. 24. apríl 1907, d. 24. nóvember 1989. Hann var tökubarn í Múlakoti 1920.
2. Sigríður Stefanía Gísladóttir húsfreyja í Reykjavík og Kópavogi, f. 11. apríl 1908, d. 10. mars 1995. Hún ólst upp hjá ömmusystur sinni í Hamragörðum u. Eyjafjöllum.
3. Þuríður Guðlaug Gísladóttir, f. 19. september 1909, d. 6. ágúst 1971. Hún var tökubarn í Stóru-Mörk 1910, á Grjótá í Fljótshlíð 1920, síðar vinnukona í Reykjavík.
4. Kristján Belló Gíslason leigubifreiðastjóri í Reykjavík, f. 1. febrúar 1912, d. 31. maí 2005. Hann var með föður sínum á Litlu-Grund 1917, í Múlakoti 1920.
5. Fanney Gísladóttir verkakona, f. 16. desember 1914 í Görðum og lést 10. júní 2005.
6. Ásta Gísladóttir, f. 17. janúar, d. sama dag.
Soffía missti móður sína, er hún var eins árs. Hún fór í fóstur til frændfólks síns í Múlakoti í Fljótshlíð, þeirra Túbals Magnússonar bónda og konu hans Guðbjargar Þorleifsdóttur. Þar ólst hún upp.
Hún var vinnukona í Reykjavík um skeið, en giftist Jóni Inga Jónssyni frá Dufþaksholti í Hvolhreppi 1939.
Þau bjuggu í Eyjum í fyrstu, en 1946 réðust þau til Skógræktarinnar á Tumastöðum í Fljótshlíð, stofnuðu til búskapar í Fljótsdal í Fljótshlíð 1950, en fluttust 1955 að Deild þar sem þau bjuggu í 36 ár. Þá brugðu þau búi og fluttust á Hvolsvöll.
Soffía fluttist á hjúkrunarheimilið Ljósheima á Selfossi árið 2000.
Hún lést 2003.
Maður Soffíu, (2. september 1939), var Jón Ingi Jónsson frá Dufþaksholti í Hvolhreppi, bóndi í Deild í Fljótshlíð, f. 2. september 1911, d. 30. ágúst 1996.
Börn þeirra:
1. Þórir Þröstur Jónsson, f. 4. febrúar 1940. Kona hans er
Ragnheiður Skúladóttir húsfreyja.
2. Hrefna Jónsdóttir, f. 9. nóvember 1945. Maður hennar var Björn Stefánsson flugumsjónarmaður.
Heimildir
- Samantekt: Víglundur Þór Þorsteinsson.
- Íslendingabók.is.
- Manntöl.
- Morgunblaðið 19. september 2003. Minning.
Þessi grein tilheyrir Æviskrám Eyjafólks eftir Víglund Þór Þorsteinsson.