Irma Pöhls Halldórsson
Irma Pöhls Halldórsson á Steinsstöðum, húsfreyja fæddist 12. mars 1929 í Garstedt nálægt Hamborg í Þýskalandi og lést 18. apríl 2017.
Foreldrar hennar voru Hans Pöhls, f. 1903, d. 1987, og kona hans Josefina Pöhls, fædd Konstanzer 1910, d. 1984.
![](/images/thumb/4/40/Irma_Halldorsson.jpg/200px-Irma_Halldorsson.jpg)
Irma lauk stúdentsprófi 1949. Faðir hennar var stríðsfangi í Leningrad í Rússlandi. Skólar voru yfirleitt í rúst í Þýskalandi og skólabækur ekki fáanlegar. Hún gat því ekki hafið háskólanám.
Ágúst Matthíasson forstjóri og Sigurbjörg höfðu auglýst eftir vinnukonu í Þýskalandi. Hún hafði nýlega ráðið sig, er faðir hennar losnaði úr fangelsinu.
Hún fékk far með v.b. Elliðaey frá Hamborg til Eyja 1949.
Irma vann í versluninni Borg í Eyjum og síðar í Skerjaveri í Reykjavík, en síðan í Brekkuvali í Kópavogi.
Þau Hallberg giftu sig 1950, eignuðust tvö börn. Þau bjuggu á Steinsstöðum til Goss 1973, fluttu í Viðlagasjóðshús í Kópavogi.
Irma dvaldi að síðustu í hjúkrunarheimilinu Sóltúni í Reykjavík.
Hallberg lést 1982 og Irma 2017.
Maður Irmu, (24. desember 1950), var Hallberg Halldórsson kaupmaður, f. 4. maí 1910, d. 24. september 1982.
Börn þeirra:
1. Helga Jósefína Hallbergsdóttir, B.A-próf í íslensku og sagnfræði, M.A-próf í menningarmiðlun, forstöðumaður Byggðasafnsins í Eyjum, f. 3. júní 1952 á Steinsstöðum. Fjarbúðarmaður hennar Þorsteinn Ólafsson.
2. Ragnar Werner Hallbergsson tölvufræðingur, f. 21. maí 1957 á Steinsstöðum. Kona hans Ingibjörg Tómasdóttir.
Heimildir
- Samantekt: Víglundur Þór Þorsteinsson.
- Helga Hallbergsdóttir.
- Íslendingabók.is.
- Manntöl.
- Morgunblaðið 11. maí 2017. Minning.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.