Brandur Eiríksson (Brandshúsi)
Brandur Eiríksson tómthúsmaður, sjómaður á Hólnum og í Brandshúsi fæddist 2. maí 1798 og drukknaði 18. nóvember 1842.
Foreldrar hans voru Eiríkur Loftsson bóndi í Ketihúshaga á Rangárvöllum, f. 25. desember 1765, drukknaði 23. mars 1801, og kona hans Solveig Brandsdóttir húsfreyja, f. 1767, d. 13. nóvember 1829.
Brandur var með foreldrum sínum í æsku.
Hann var kominn til Eyja 1835 og var þá húsmaður á Miðhúsum, var tómthúsmaður í Brandshúsi 1836-39 með Solveigu Sigurðardóttur bústýru og barni þeirra Magnúsi, f. 1832 í Klofasókn.
1839 voru Solveig og Magnús farin upp á land, en Brandur bjó í Brandshjalli með bústýunni Guðríði Sigurðardóttur 49 ára, f. í Breiðabólstaðarsókn. Hún var þar einnig 1840.
Brandur fórst með Vigfúsi Bergssyni og 4 öðrum á leið í Elliðaey 18. nóvember 1842.
I. Bústýra hans og barnsmóðir var Solveig Sigurðardóttir bústýra í Brandshúsi.
Barn þeirra var
1. Magnús Brandsson, f. 5. júlí 1832 á Rangárvöllum, d. 1884.
II. Kona Brands, (30. október 1841), var Ingveldur Guðbrandsdóttir húsfreyja, f. 23. júlí 1808, d. 29. júlí 1863.
Barn þeirra hér:
2. Solveig Brandsdóttir, f. 15. júlí 1842, d. 19. desember 1842 í Tómthúsi, „22 vikna af ginklofa“.
Heimildir
- Samantekt: Víglundur Þór Þorsteinsson.
- Íslendingabók.is.
- Manntöl.
- Prestþjónustubækur.
- Rangvellingabók. Valgeir Sigurðsson. Rangárvallahreppur, Hellu 1982.