Bryngeir Torfason
Bryngeir Torfason, Búastöðum, fæddist að Söndu á Stokkseyri 26. september 1895 og lést 9. maí 1939.
Bryngeir var formaður á m/b Unni ÁR og kom seinni hluta vertíðar 1919 til Eyja og kláraði vertíðina þar. Flutti árið eftir og þá með m/b Hjálpara með sér. Var með hann þá vertíð. 1921 er hann með m/b Njál, 1922-1925 með Hjálpara, er síðan með; Guðrúnu, Sæbjörgu, Tvist og Þór ½ vertíð 1930, þegar hann veikist og fer á Vífilstaðahælið. Bryngeir var kvæntur Lovísu Gísladóttur, dóttur Gísla Eyjólfssonar á Búastöðum.
Heimildir
- Sjómannablaðið Víkingur. Farmanna- og Fiskimannasamband Íslands.
- Gísli Eyjólfsson frá Bessastöðum.