Beinafundurinn 1978

Þann 27. apríl 1978 fundust tvær beinagrindur, á um 3 metra dýpi, þegar verið var að grafa skurð fyrir nýju holræsi sem átti að fara í gegnum eiðið. Engin ummerki um kistuleifar voru sjáanlegar á staðnum. Seinna var komist að því, samkvæmt athugunum Jóns Steffensens að um væri að ræða tvo karla; ungan karlmann annars vegar og 15-18 ára pilt hins vegar.

Oft áður hafa fundist mannabein á þessum slóðum og hefur komið upp sú kenning að þetta svæði sem kallað hefði verið Klemenzeyri fyrr á tíð og eflaust þar áður Hörgeyri. Möguleiki væri á að þarna var að ræða kirkjugarð Klemenzkirkju, sem var á öldum áður í Vestmannaeyjum. Sagt er að Hjalti Skeggjason og Gissur Ísleifsson hafi reist kirkju á Hörgeyrinni.

Önnur tilgáta kom Friðrik Jesson, þáverandi safnvörður Náttúrugripasafnsins, með um að þarna væru líkamsleifar þeirra sem féllu í átökum Englendinga og Þjóðverja í Eyjum. Þeir börðust hér all grimmilega um kaup á skreið og aðstöðu til verslunar og fiskveiða hér á landi á síðari hluta miðaldar.

Beinin voru send í aldursgreiningu í Tækniháskóla Noregs í Þrándheimi árið 1986. Notast var við geislakolandursgreiningu (¹⁴C) og komist var að líklegt væri að beinin séu frá 15. öld.

Heimildir

• Margrét Hermanns-Auðardóttir. 1992. Hagsmunaátök í Eyjum á ofanverðum miðöldum. Eyjaskinna - 5. rit (bls. 44-60). - Vestmannaeyjar: Prentsmiðjan Eyrún.