Snæbjörn Björnsson (Ofanleiti)

Snæbjörn Björnsson, 1825 til 1827. Hann var fæddur 12. maí árið 1800 að Hítardal. Foreldrar hans var séra Björn Benediktsson í Hítardal og kona hans Solveig Ásgeirsdóttir prests að Stað í Steingrímsfirði, Jónssonar. Varð stúdent frá Bessastaðarskóla. Síðan í þjónustu Sigurðar landfógeta Thorgrimsens í þrjú ár og tvö ár í þjónustu Ólafs sýslumanns Finsen. Tók prestvígslu 1825 og fékk veitingu fyrir Ofanleiti 1826, en andaðist þar eftir rúmlega eins árs prestþjónustu, í byrjun árs 1827. Kona hans var Ingibjörg Jakobsdóttir í Kaupangi, Þorvaldssonar og áttu þau þrjú börn. Ingibjörg giftist seinna Jónasi Vestmann, bónda og smið að Vesturhúsum í Vestmannaeyjum.