Jarþrúður P. Johnsen

Jarþrúður Pétursdóttir Johnsen fæddist 3. júní 1890 í Fnjóskadal og lést 9. október 1969. Hún var dóttir séra Péturs Jónssonar og Helgu Skúladóttur á Hálsi í Fnjóskadal. Jarþrúður var kona Sigfúsar Maríusar Johnsen.

Jarþrúður gekk í Kvennaskólann í Reykjavík og stundaði síðan tungumálanám. Á yngri árum þótti hún hafa fagra söngrödd og lærði hún meðal annars hjá frægum söngkennara í Kaupmannahöfn. Eitt sinn héldu þær saman tónleika í Vestmannaeyjum, Jarþrúður og Anna Pálsdóttir píanóleikari, kona Sigurðar Sigurðssonar lyfsala í Eyjum. Hún starfaði mikið að félagsmálum í Vestmannaeyjum og fyrir þau störf gat hún sér góðan orðstýr.

Jarþrúður var einnig hagmælt og gáfuð. Heimili þeirra hjóna bar vott um snyrtimennsku og reglusemi.

Sigfús og Jarþrúður eignuðust ekki börn saman en áður átti Sigfús einn son.

---

Heimildir

• Þorsteinn Þ. Víglundsson. Blik, ársrit Vestmannaeyja. 1969.