Indriði Helgi Einarsson
Indriði Helgi Einarsson sjómaður, húsasmiður fæddist 21. maí 1968 og lést 6. október 2023 á heimili sínu.
Foreldrar hans voru Einar Indriðason sjómaður, f. 17. nóvember 1933, d. 13. júní 1985, og kona hans Fjóla Guðmannsdóttir húsfreyja, fiskverkakona, f. 24. september 1940, d. 8. maí 2018.
Indriði var með foreldrum sínum í æsku, bjó hjá þeim á Löndum (Stóru-Löndum) við Landagötu 11.
Hann nam í Gagnfræðaskólanum í Eyjum, lauk námi í húsasmíði í Iðnskólanum í Reykjavík 2012.
Indriði var sjómaður, en eftir iðnnámið vann hann við iðnina.
Hann eignaðist barn með Katrínu Ósk 1998.
Þau Erla Sveinbjörg voru í sambúð, eignuðust eitt barn.
Indriði Helgi lést 2023.
I. Sambúðarkona Indriða í sex ár er Erla Sveinbjörg Sævarsdóttir, f. 28. júní 1970. Foreldrar hennar Sigursteinn Sævar Sigurðsson, f. 17. maí 1941, d. 1. nóvember 1984, og Júlíana Ruth Woodward, f. 17. nóvember 1942, d. 12. febrúar 2017.
Barn þeirra:
1. Einar Indriðason, f. 19. ágúst 1988.
II. Barnsmóðir Indriða Helga er Katrín Ósk Pétursdóttir, f. 19. júní 1978.
Barn þeirra:
2. Elvar Pétur Indriðason, f. 21. apríl 1998.
Heimildir
- Samantekt: Víglundur Þór Þorsteinsson.
- Íslendingabók.
- Morgunblaðið 20. október 2023. Minning.
Þessi grein tilheyrir Æviskrám Eyjafólks eftir Víglund Þór Þorsteinsson.