Skúli Eyfeld Harðarson
Skúli Eyfeld Harðarson rafvirki í Grindavík fæddist 27. október 1955 á Brimhólabraut 27.
Foreldrar hans Hörður Arason frá Akurey, vélstjóri, umboðsmaður, útgerðarmaður í Grindavík, f. 8. október 1932 og barnsmóðir hans Sigríður Hulda Sigurbjörnsdóttir, f. 29. september 1934, d. 13. janúar 2023.
Skúli lærði rafvirkjun í Iðnskólanum í Reykjavík, lauk sveinsprófi 1978. Meistari var Helgi Hjartarson. Hann varð rafvirkjameistari.
Hann vann við iðn sína, var hjá fyrirtæki feðganna Harðar og Helga og þeirra afkomenda, en vinnur nú sjálfstætt í fyrirtæki sínu Rafhöllinni í Grindavík.
Þau Bryndís giftu sig, eignuðust þrjú börn. Þau búa í Grindavík.
I. Kona Skúla er Bryndís Hauksdóttir húsfreyja, f. 31. janúar 1961 í Reykjavík. Foreldrar hennar Haukur Guðjónsson skipstjóri í Grindavík, f. 29. október 1927 á Þórkötlustöðum í Grindavík, d. 12. september 1996, og kona hans Agnes Árnadóttir húsfreyja, f. 29. ágúst 1927 í Garði í Grindavík, d. 18. mars 1992.
Börn þeirra:
1. Sigurbjörg Eyfeld Skúladóttir íslenskufræðingur, kennari, bókhaldari, f. 21. janúar 1983. Maður hennar Hlynur Helgason.
2. Petrúnella Skúladóttir íþróttakennari, yogakennari, f. 1. ágúst 1985. Maður hennar Jóhann Árni Ólafsson.
3. Hrund Skúladóttir, f. 25. júlí 2000. Hún nemur uppeldis- og menntunarfræði. Sambúðarmaður hennar Samúel Kári Friðjónsson.
Heimildir
- Samantekt: Víglundur Þór Þorsteinsson.
- Íslendingabók.
- Prestþjónustubækur.
- Rafvirkjatal. Ritstjóri: Þorsteinn Jónsson, Gunnar Guðmundsson og fleiri. Þjóðsaga hf. 1995.
- Skúli.
Þessi grein tilheyrir Æviskrám Eyjafólks eftir Víglund Þór Þorsteinsson.