Guðrún Jónsdóttir Austmann (Þorlaugargerði)
Guðrún Jónsdóttir Austmann (Christiansen) fæddist 28. mars 1855 í Götu og var á lífi 1939.
Foreldrar hennar voru Jón Jónsson Austmann beykir, síðar bóndi í Þorlaugargerði, f. 12. apríl 1814 í Holti í Mýrdal, d. 15. mars 1888 í Þorlaugargerði, og kona hans Rósa Hjartardóttir húsfreyja, f. 1822 í Grindavík, d. 14. janúar 1902 í Reykjavík.
Guðrún var með þeim í Götu 1855, en á Oddsstöðum í lok ársins, í Brekkuhúsi 1856, í Þorlaugargerði frá 1857.
Hún var með þeim í Þorlaugargerði 1874, en fór til Kaupmannahafnar 1875. Þaðan fór hún til Vesturheims.
Guðrún var búsett í Chicago og gat sér rithöfundarorð. Hún var gift iðnaðarmanni af norskum ættum. Þau eignuðust son, sem vr herlæknir í fyrri heimsstyrjöldinni og dóttur, sem var söngkona.
Maður Guðrúnar var Christiansen iðnmeistari.
Börn þeirra hér:
1. Henry Christiansen læknir.
2. Ester Christiansen (Peggy Richards) söngkona.
Heimildir
- Samantekt: Víglundur Þór Þorsteinsson.
- Íslendingabók.is.
- Manntöl.
- Prestþjónustubækur.
- Saga Vestmannaeyja, I. XIII. Herfylking Vestmannaeyja, 3. hluti.
Þessi grein tilheyrir Æviskrám Eyjafólks eftir Víglund Þór Þorsteinsson.