Ólafur Vigfússon (Gíslholti)
Ólafur Vigfússon, Gíslholti, fæddist undir Eyjafjöllum 21. ágúst 1891 og lést 15. maí 1974. Árið 1911 fór Ólafur til Vestmannaeyja og árið 1920 hóf hann formennsku á Heklu. Eftir það var Ólafur með ýmsa báta, þar á meðal Skallagrím, Óskar og Skúla fógeta. Formennsku gegndi hann allt til ársins 1950.
Loftur Guðmundsson samdi eitt sinn formannsvísu um Ólaf:
- Ólaf á Skúla ölduslark
- ægir lítt né tefur,
- við sædrif, vos og veðrahark,
- vanist löngum hefur.
Heimildir
- Sjómannablaðið Víkingur. Farmanna- og Fiskimannasamband Íslands.
- Sjómannadagsblað Vestmannaeyja. 1995.