Friðrik Svipmundsson
Friðrik Svipmundsson Löndum var fæddur að Loftsölum í Mýrdal 15. apríl 1871 og lést 3. júlí 1935. Hann kom til Vestmannaeyja 1893 og reri með Gísla Lárussyni á Friði. Um aldamótin 1900 gerðist hann formaður og var fljótt aflasæll. Hann var með vertíðarskipið Ísafold lengst af, þar til hann vélvædddist.
Árið 1906 kaupir hann Friðþjóf og er formaður á honum til 1912. Þá kaupir hann Örn og er á honum til 1920. Eftir það er hann formaður á Friðþjófi, Atlantis og Hjálpara til 1930. Friðrik var með eindæmum veðurglöggur og las vel í veðrið. Kom það oft fyrir að hann fór út í vonskuveðri og það batnaði, eða að hann kom snemma inn og veðrið versnaði.
Friðrik var mörg sumur formaður á Seyðisfirði og var jafnan aflahæstur þar.
Friðrik var aflakóngur þrisvar sinnum, árin 1907, 1909 og 1911.
Heimildir
- Jón Sigurðsson. Aflakóngar Vestmannaeyja 1906-1929. Sjómannadagsblaðið 1961. 10. árg.
- Sjómannablaðið Víkingur. Farmanna- og Fiskimannasamband Íslands.