Hallgrímur Guðjónsson (Sandfelli)
Hallgrímur Guðjónsson, Grímsstöðum, fæddist 8. maí 1894 að Moldnúpi undir Eyjafjöllum. Hallgrímur byrjaði sjómennsku á Skuld hjá Jóni Ingileifssyni og síðar á Svan. Formennsku hóf Hallgrímur árið 1917 á Svan og hafði formennsku þar til 1920. Síðar tekur Hallgrímur við formennsku á Ingólfi og er með hann til vertíðarloka ársins 1925. Þá stóð til að Hallgrímur léti smíða nýjan bát, Geir Goða, en Hallgrími entist ekki aldur til að sjá hann, því hann drukknaði 24. ágúst 1925 er hann féll fyrir borð af Emmu.
Heimildir
- Sjómannablaðið Víkingur. Farmanna- og Fiskimannasamband Íslands.