Magnea Sigurlaug Ólafsdóttir (Litlabæ)
Magnea Sigurlaug Ólafsdóttir (Magný) frá Litlabæ, húsfreyja fæddist 19. nóvember 1911 þar og lést 20. mars 1980.
Foreldrar hennar voru Ólafur Ástgeirsson bátasmiður í Litlabæ, f. 3. ágúst 1892, d. 8. apríl 1966, og kona hans Kristín Jónsdóttir húsfreyja, f. 19. apríl 1885, d. 17. september 1943.
Magný var með foreldrum sínum í æsku og 1934.
Hún fluttist til Akraness 1934-1935 og bjó þar síðan.
Maður Magnýjar var Óskar Kortsson frá Fit u. Eyjafjöllum, vélvirki á Akranesi, f. 2. október 1907, d. 11. nóvember 1987. Foreldrar hans voru Kort Elísson lausamaður, bóndi, sjómaður, f. 8. ágúst 1883, d. 8. ágúst 1944, og Þórdís Ingibjörg Sæmundsdóttir frá Eyrarbakka, vinnukona, f. 15. mars 1885, d. 16. júní 1986 á Akranesi.
Börn Magnýjar og Óskars:
1. Hulda Emilía Korts Óskarsdóttir, f. 24. maí 1935.
2. Ester Óskarsdóttir húsfreyja, f. 6. nóvember 1937.
3. Sigrún Óskarsdóttir, f. 29. desember 1949, húsfreyja í London.
Heimildir
- Samantekt: Víglundur Þór Þorsteinsson.
- Íslendingabók.is.
- Manntöl.
- Prestþjónustubækur.
- Æviskrár Akurnesinga. Ari Gíslason. Sögufélag Borgfirðinga.
Þessi grein tilheyrir Æviskrám Eyjafólks eftir Víglund Þór Þorsteinsson.