Jóhann Jónsson (Brekku)

Jóhann Jónsson, Brekku, var fæddur 20. maí 1877 að Túni í Vestmannaeyjum og lést árið 1931. Foreldrar hans voru Jón Vigfússon og Guðrún Þórðardóttir. Hann var kvæntur Kristínu Árnadóttur og meðal barna þeirra var Engilbert Jóhannsson, Þorsteina í Þingholti og Karl verzlunarmaður.

Jóhann byrjaði ungur á sjónum, en formennsku hóf hann árið 1907 á Nansen sem hann átti einn. Á honum var hann formaður til ársins 1925.

Jóhann lærði auk þess trésmíði og vann við það eftir að hann hætti formennsku. Var hann talinn með bestu húsasmiðum Vestmannaeyja.

---

Heimildir

• Sjómannablaðið Víkingur. Farmanna- og Fiskimannasamband Íslands.
• Blik 1958, Traustir ættliðir, síðari hluti.