Guðrún Jónsdóttir (Frydendal)
Guðrún Jónsdóttir vinnukona, síðar bústýra á Vilborgarstöðum, fæddist 28. febrúar 1864 í Vesturholtum u. Eyjafjöllum og lést 10. nóvember 1890 á Vilborgarstöðum.
Foreldrar hennar voru Jón Gunnsteinsson eldri, bóndi í Vesturholtum u. Eyjafjöllum, f. 31. ágúst 1824, d. 29. maí 1869, og kona hans Sigríður Jónsdóttir húsfreyja, f. 1823, d. 13. maí 1865.
Guðrún var systir
1. Gunnsteins Jónssonar sjómanns í Hólshúsi, f. 10. október 1859, d. 8. október 1892 og átti víðan ættboga í Eyjum. Hún var systurdóttir
2. Margrétar Jónsdóttur húsfreyju í Nýja-Kastala móður Hannesar lóðs.
Ættbogi Guðrúnar í Eyjum í föðurætt var víðfeðmur. Sjá elsta hluta hans á síðu
3. Jóhönnu Gunnsteinsdóttur húsfreyju í Dölum.
Foreldrar Guðrúnar létust báðir í bernsku hennar, móðir hennar, er hún var á öðru ári og faðirinn, er hún var fimm ár.
Hún fluttist til Eyja 1870 og var tökubarn hjá Margréti Jónsdóttur móðursystur sinni í Nýja-Kastala 1870, síðar fósturbarn, og vinnukona þar 1880 og síðar hjá Hannesi syni Margrétar.
Hún var vinnukona í Frydendal við fæðingu Jóhanns 1885, og þar var hún bústýra Antons við fæðingu Karls 1889.
Guðrún var bústýra Antons á Vilborgarstöðum 1890, er hún lést.
I. Barnsfaðir og sambýlismaður Guðrúnar var Anton Bjarnasen verslunarþjónn, síðar verslunarstjóri í Vík og Eyjum og kaupmaður í Dagsbrún, f. 6. desember 1864, d. 21. mars 1916.
Börn þeirra hér:
1. Jóhann Antonsson Bjarnasen kaupmaður, f. 26. júní 1885, d. 24. september 1953.
2. Karl Antonsson Bjarnasen, f. 18. október 1889, d. 1915.
Heimildir
- Samantekt: Víglundur Þór Þorsteinsson.
- Íslendingabók.is.
- Manntöl.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.