Pétur Jónsson (Elínarhúsi)
Pétur Jónsson sjómaður í Elínarhúsi fæddist 1. október 1800 í Presthúsum í Mýrdal og lést 15. maí 1859.
Faðir hans var Jón bóndi, lengst í Presthúsum og Norður-Fossi í Mýrdal, f. 1764 á Reyni þar, d. 13. janúar 1834 á Norður-Fossi, Pétursson bónda á Reyni, f. 1725, á lífi 1792, Ólafssonar bónda í Hjörleifshöfða, f. 1689, Ólafssonar, og konu Ólafs í Hjörleifshöfða, Sigríðar húsfreyju frá Flekkuvík á Vatnsleysuströnd, f. 1695 á Suðurnesjum, d. 1784, Jónsdóttur.
Móðir Jóns í Presthúsum og kona Péturs Ólafssonar er ókunn, fædd 1726.
Móðir Péturs og kona Jóns í Presthúsum var Ástríður húsfreyja, f. 1768 í Hvammi í Mýrdal, d. 14. maí 1832 á Norður-Fossi, Þorsteinsdóttir (líklega) bónda í Norður-Hvammi, f. 1733, Jónssonar, og konu Þorsteins, Guðrúnar húsfreyju (með vissu móðir Ástríðar), f. 1732, Freysteinsdóttur bónda í Hvammi í Mýrdal, f. 1697, Árnasonar.
Kona Péturs í Elínarhúsi, (27. október 1835), var Guðrún Eyjólfsdóttir húsfreyja, f. 1. mars 1806 í Álftagróf í Mýrdal, d. 28. febrúar 1880 í Elínarhúsi.
Pétur var með foreldrum sínum í Presthúsum í Mýrdal 1801 og 1816, á Norður-Fossi þar 1819 og til 1833. Hann var vinnumaður í Reynishjáleigu þar 1833/4-1835. Þá fór hann til Eyja.
Hann var búandi sjómaður í Elínarhúsi 1845 og enn 1855 og til æviloka 1859.
Þau Guðrún töldust til Kirkjubæjarsóknar árið 1837, búandi í Elínarhúsi.
1. Jón Pétursson formaður í Elínarhúsi, f. 29. mars 1829 á Reyni í Mýrdal, d. 15. júlí 1868 í Elínarhúsi, kvæntur Vilborgu Þórðardóttur. Hann var fyrri maður hennar. Síðari maður hennar var Sigurður Árnason í Elínarhúsi. Þau fóru til Vesturheims, ásamt börnum Vilborgar og Jóns.
2. Guðmundur Pétursson sjómaður, f. 2. september 1836 í Elínarhúsi, d. 19. janúar 1900 í Gerði.
3. Eyjólfur Pétursson, f. 9. maí 1839, d. 16. maí 1839 úr ginklofa.
4. Eyjólfur Pétursson, f. 10. ágúst 1840, d. 17. ágúst 1840 úr ginklofa.
5. Guðrún Pétursdóttir, f. 21. febrúar 1842, d. 4. mars 1842 úr ginklofa.
6. Björn Pétursson, f. 13. júni 1843, d. 21. júní úr ginklofa.
7. Stefán Pétursson, f. 22. september 1844, d. 28. september 1844 úr ginklofa.
8. Helga Pétursdóttir, f. 1. október 1845, d. 12. október 1845 úr ginklofa.
9. Ólafur Pétursson, f. 12. janúar 1847, d. 5. ágúst 1851 „af Barnaveiki“.
Heimildir
- Samantekt: Víglundur Þór Þorsteinsson.
- Íslendingabók.is.
- Manntöl.
- Prestþjónustubækur.
- Saga Vestmannaeyja. Sigfús M. Johnsen. Ísafoldarprentsmiðja h.f. 1946.
- Vestur-Skaftfellingar 1703-1966. Björn Magnússon. Leiftur 1970-1973.
Þessi grein tilheyrir Æviskrám Eyjafólks eftir Víglund Þór Þorsteinsson.