Magnús Sigurðsson (kóngssmiður)
Magnús Sigurðsson bóndi og smiður, nefndur kóngssmiður á Vilborgarstöðum.
Framætt hans er ókunn, en ætla má, að hann sé upprunninn í Skaftafellssýslu.
Magnús var bóndi á Vilborgarstöðum. Hann var hagur vel og annaðist smíðar og viðgerðir konungsbátanna, innstæðubáta konungsútgerðarinnar. Þeir smiðir fengu heitið kóngssmiðir. (Sjá Sögu Vestmannaeyja: Atvinnuvegir, útgerð og sjósókn).
Kóngssmiðirnir stunduðu að sjálfsögðu aðrar smíðar og voru stundum kallaðir stórsmiðir.
Magnús var faðir Sigurðar á Vatnsskarðshólum í Mýrdal, f. 1721, föður
1. Einars Sigurðssonar bónda og hreppstjóra á Vilborgarstöðum, f. 1768, og
2. Magnúsar Sigurðssonar bónda frá Ásgarði í Landbroti, f. 1775, d. 8. ágúst 1846 á Vilborgarstöðum.
Heimildir
- Samantekt: Víglundur Þór Þorsteinsson.
- Manntöl.
- Prestþjónustubækur.
- Saga Vestmannaeyja. Sigfús M. Johnsen. Ísafoldarprentsmiðja h.f. 1946.
- Vestur-Skaftfellingar 1703-1966. Björn Magnússon. Leiftur 1970-1973.
Þessi grein tilheyrir Æviskrám Eyjafólks eftir Víglund Þór Þorsteinsson.