Geysir

Húsið Geysir stendur við Skólaveg 21. Það var reist árið 1932. Húsið var stækkað til suðurs á stríðsárunum. Síðan þá er húsið áfast við Nýhöfn. Lengst af bjó í Geysi Guðlaugur Gíslason, fyrrum bæjarstjóri og alþingismaður og fjölskylda hans en Guðlaugur rak einnig verslunina Geysi á neðstu hæð hússins í mörg ár. Fleiri verslanir hafa verið þar til húsa, sem og tryggingafélagið Sjóvá Almennar en nú er þar til húsa hárgreiðslustofa.